تاثیر،۱۱ اکتوبر۲۰۲۳:- ایس -ایم- حسن
بالی ووڈ کے مسٹر پرفیکشنسٹ عامر خان کے شائقین کافی عرصے سے انتظار کر رہے تھے کہ عامر کب اداکاری میں واپس آئیں گے۔ ایسے میں عامر کے اگلے پروجیکٹ کے حوالے سے نئی معلومات سامنے آئی ہیں۔ عامر جلد ہی فلم ’ستارے زمین پر‘ پروڈیوس کرنے والے ہیں، یہی نہیں بلکہ وہ اس میں اداکاری بھی کرتے نظر آئیں گے۔ عامر نے پروگرام میں اپنے آنے والے پروجیکٹ کے بارے میں معلومات دی ہیں۔عامر نے کہا کہ میں ستارے زمین پر میں پروڈیوس اور اداکاری کر رہا ہوں۔ ‘تارے زمین پر’ سے 10 قدم آگے بڑھتے ہوئے یہ فلم ایک اہم موضوع پر تبصرہ کرے گی۔ پچھلی فلم نے آپ کو جذباتی کر دیا تھا لیکن یہ فلم آپ کو ہنسائے گی۔ پچھلی فلم میں میں نے درشیل کے کردار میں مدد کی تھی۔ اس نئی فلم میں نو لوگ اپنی مختلف پریشانیوں میں میری مدد کرتے نظر آئیں گے۔
اس دوران عامر نے اپنی پروڈکشن کے بارے میں بھی انکشاف کیا۔ انہوں نے کہا، ‘میں بطور پروڈیوسر 3 فلمیں کر رہا ہوں۔ ان میں سے ایک فلم ‘مسنگ لیڈیز’ کی ہدایت کاری کرن راؤ کریں گی۔ دوسری فلم میرے بیٹے جنید کے ساتھ اور تیسری فلم ‘لاہور 1947’ ہے جس میں میں راجکمار سنتوشی اور سنی دیول کے ساتھ اداکاری کروں گا۔ میں اس کا بہت بے تابی سے انتظار کر رہا ہوں۔
بالی ووڈ کے مسٹر پرفیکشنسٹ عامر خان آخری بار فلم ‘لال سنگھ چڈھا’ میں نظر آئے تھے۔ یہ فلم باکس آفس پر فلاپ رہی۔ سوشل میڈیا پر بائیکاٹ کے ٹرینڈ کی وجہ سے فلم کو کافی نقصان اٹھانا پڑا۔ اس کے بعد عامر نے اداکاری سے بریک لینے کا اعلان کرتے ہوئے یہ بھی واضح کیا کہ اب وہ صرف فلمیں ہی پروڈیوس کریں گے۔