تاثیر،۱۲ اکتوبر۲۰۲۳:- ایس -ایم- حسن
دہرادون، 12 اکتوبر: وزیر اعظم نریندر مودی جمعرات کی صبح پتھورا گڑھ پہنچ گئے۔ وزیر اعظم نے یہاں پاروتی کنڈ کا دورہ کیا اور پوجا کی۔وزیر اعظم نریندر مودی نے پاروتی کنڈ میں پوجا کرنے کے بعد آدی کیلاش کے درشن بھی کئے۔ اس دوران روحانی رنگوں میں ملبوس وزیر اعظم نریندر مودی ڈمرو، گھنٹی اور شنکھ بجاتے نظر آئے۔ انہوں نے آدی کیلاش کے درشن کر پوجا کی۔وزیر اعظم یہاں سے گنجی گاوں جائیں گے۔ جہاں وہ فوج، آئی ٹی بی پی اور بی آر او اہلکاروں سمیت مقامی لوگوں سے بات چیت کریں گے۔وزیر اعظم دوپہر تقریباً 12 بجے الموڑہ ضلع کے جاگیشور دھام پہنچیں گے جہاں وہ پوجا اور درشن کریں گے۔ تقریباً 6200 فٹ کی بلندی پر واقع جاگیشور دھام میں تقریباً 224 پتھر کے مندر ہیں۔