تاثیر،۱۷ اکتوبر۲۰۲۳:- ایس -ایم- حسن
ممبئی، 17 اکتوبر: پونے ضلع میں ممبئی-بنگلورو ہائی وے پر نولے برج اور سوامی نارائن مندر کے قریب کل رات تصادم کے بعد دو کنٹینروں میں آگ لگ گئی۔ اس حادثے میں کنٹینر کے کیبن میں بیٹھے چار افراد کی موت ہو گئی، جب کہ دو افراد جھلس گئے۔ دونوں قریبی اسپتال میں زیر علاج ہیں۔ مرنے والوں میں ایک بچہ بھی شامل ہے۔پولیس کے مطابق پیر کی رات دیر گئے ایک کنٹینر ممبئی کی طرف آرہا تھا۔ یہ سوامی نارائن مندر کے قریب پیچھے سے تیز رفتاری سے آنے والے ایک کنٹینر سے ٹکرا گیا جس کی وجہ سے سامنے والا کنٹینر الٹ گیا اور پچھلے کنٹینر میں آگ لگ گئی۔ کنٹینر کے کیبن میں چھ افراد سوار تھے، معاملے کی تحقیقات کی جا رہی ہے۔