تاثیر،۲۱ اکتوبر۲۰۲۳:- ایس -ایم- حسن
پٹنہ، 21 اکتوبر:وزیراعلیٰ نتیش کمارنے موتیہاری میں دیے گئے اپنے اس بیان کو واپس لے لیا ہے، جس میں انہوں نے وزیر اعظم نریندر مودی کی عزت کرنے اور بی جے پی کے ساتھ زندگی بھر کی دوستی کی بات کی تھی۔ آج انہوں نے پٹنہ میں کہا کہ میڈیا نے ان کے بیان کی غلط تشریح کی۔ وہ کسی بھی حال میں بی جے پی کے ساتھ نہیں جائیں گے۔ اب بہار بی جے پی کے صدر سمراٹ چودھری نے ان کے بیان پر ردعمل ظاہر کیا ہے۔ انہوں نے کہا کہ کسی نے انہیں مدعو کیا ہے اور وہ بی جے پی کے ساتھ جانے سے انکار کی بات کر رہے ہیں۔ وزیراعلیٰ بیمار ہیں، انہیں آرام کی ضرورت ہے۔
نتیش کمار کے بی جے پی میں شامل نہ ہونے کے بیان پر بی جے پی کے ریاستی صدر نے کہا کہ انہیں کوئی مدعو نہیں کر رہا ہے۔ انہیں کون بلا رہا ہے؟ سمراٹ چودھری نے کہا کہ دوبار نتیش کمار ہی بی جے پی کو چھوڑ کر بھاگ گئے تھے۔ 2013 میں وزیر اعظم بننے کے لئے بھاگے تھے، 2022 میں بھی وہ خود بھاگے ہیں، بی جے پی نے انہیں نہیں نکالاتھا۔
موتیہاری میں واقع مہاتما گاندھی سنٹرل یونیورسٹی کے بارے میں وزیر اعلیٰ نتیش کے دعوے پر سمراٹ چودھری نے کہا کہ اس کی تعمیر میں مودی حکومت کا پورا حصہ رہا ہے۔ اس میں نتیش کمار کا کوئی کردار نہیں ہے۔ انہوں نے کہا کہ ریاستی حکومت نے صرف زمین فراہم کی تھی۔ مرکز کی مودی حکومت نے سارا پیسہ دیا جب کہ کانگریس کی منموہن سنگھ حکومت نے ایک پیسہ بھی نہیں دیا۔ دوسری جانب بی جے پی کے ترجمان رام ساگر سنگھ نے جے ڈی یو کے صدر للن سنگھ پر حملہ کرتے ہوئے کہا کہ للن سنگھ کو یاد رکھنا چاہیے کہ 2014 میں اگر نمو کے ساتھ نہ ہوتے تو وہ کتنے لاکھ سے الیکشن ہارے تھے اور 2019 میں وہ بن گئے۔ ایک لوک سبھا ایم پی صرف نمو کے نعرے کی وجہ سے مل گیا تھا۔ اگر ا?پ کو نمو ٹرین سے اتنی پریشانی کا سامنا ہے تو اب ا?پ کو اس کی عادت ڈالنی پڑے گی کیونکہ اب پوری دنیا نمو کا نعرہ لگا رہی ہے۔ بی جے پی کے ترجمان نے کہا کہ بی جے پی کسی کو دھوکہ نہیں دیتی۔ نتیش کمار اور ا?پ کو پیٹھ میں چھرا گھونپنے کی عادت ہے۔ درا صل ا?ج پٹنہ میں نتیش کمار نے موتیہاری میں دیے گئے اپنے بیان کی وضاحت کرتے ہوئے واضح کیا کہ وہ بی جے پی کے ساتھ نہیں جائیں گے۔ انہوں نے کہا کہ مہاتما گاندھی سنٹرل یونیورسٹی کے کانووکیشن تقریب میں میں نے بہار کی ترقی کا ذکر کیا تھا، اس کا پارٹی یا سیاست سے کوئی تعلق نہیں ہے۔ وزیر اعلیٰ نے یہ بھی کہا کہ میں نے بعد میں دیکھا کہ بی جے پی لیڈر کہہ رہے ہیں کہ ہم انہیں ساتھ نہیں لائیں گے۔ میں پوچھنا چاہتا ہوں کہ کیا میں نے ان سے اجازت لی ہے؟