بیگوسرائے میں دو فریقوں کے درمیان تصادم

تاثیر،۲۶  اکتوبر۲۰۲۳:- ایس -ایم- حسن

بیگوسرائے، 26 اکتوبر:بہار کے بیگوسرائے میں دو فریقوں کے درمیان تصادم ہوا۔ اس دوران پتھراؤ اور آتش زنی کی گئی۔ جس کی وجہ سے علاقے میں کشیدگی کا ماحول ہے۔ تاہم انتظامیہ کا دعویٰ ہے کہ صورتحال قابو میں ہے۔ اب تک 10 افراد کو گرفتار کیا جا چکا ہے۔بہار کے بیگوسرائے میں درگا پوجا مورتی وسرجن کے دوران پتھراؤ ہو گیا۔جس کی وجہ سے حالات کشیدہ ہو گئے۔ حالات کو قابو میں کرنے کے لیے پولیس نے شرپسندوں پر لاٹھی چارج کیا۔ جس کے بعد حالات معمول پر آگئے۔ پولیس نے موقع سے 10 افراد کو گرفتار کرکے جیل بھیج دیا ہے۔ واقعہ ضلع کے بلیا تھانہ علاقہ کے مچھلی بازار کے اوپر ٹولہ کرپوری چوک کے قریب پیش ا?یا۔بلیا کے ایس ڈی پی او کی ہدایت پر پولیس نے لاٹھی چارج کرکے بھیڑ کو منتشر کردیا۔بیگوسرائے کے ایس پی یوگیندر کمار نے معاملے کی جانکاری دیتے ہوئے کہا کہ صورتحال پوری طرح سے نارمل ہے۔ اب تک 10 افراد کو گرفتار کیا جا چکا ہے۔ انہوں نے کہا کہ درگا پوجا وسرجن جلوس پرانہیں لوگوں نے پتھراؤ کیا تھا جن کی دکانیں انتظامیہ نے بند کر دی تھیں۔تشدد کے بعد بیگوسرائے پولیس نے ٹویٹ کیا، “بلیا میں پولیس کی طرف سے ہلکی طاقت کے استعمال کے بعد، حالات اب معمول پر ہیں۔ پولیس کیپٹن، ضلع مجسٹریٹ، سب ڈویڑنل افسر، سب ڈویڑنل پولیس افسر اور پولیس فورس نے ڈیرے ڈالے ہوئے ہیں۔ فورسز کو تعینات کر دیا گیا ہے۔” “علاقے پر تسلط قائم کیا جا رہا ہے۔ فساد پھیلانے والے 10 افراد کو گرفتار کر لیا گیا ہے۔”