تاثیر،۱۱ نومبر۲۰۲۳:- ایس -ایم- حسن
رجسٹرار اور سی سی ڈی سی نے جھنڈی دکھا کر کیا روانہ
چھپرہ (نقیب احمد)
تین این ایس ایس کی رضاکاروں کو رجسٹرار پروفیسر رنجیت کمار اور سی سی ڈی سی پروفیسر ہریش چندر نے جھنڈی دکھا کر ہریدوار کے لیے روانہ کیا۔یہ رضاکار یوم جمہوریہ قبل پریڈ کے لیے دیو سنسکرت یونیورسٹی،ہریدوار میں منعقد 10 روزہ کیمپ میں حصہ لیں گے۔اس میں منتخب ہونے پر انہیں نئی دہلی میں ایک ماہ کی ٹریننگ دی جائے گی۔اس کے بعد یہ طالبات دہلی کی یوم جمہوریہ پریڈ میں حصہ لیں گی۔رخصت ہونے والی طالبات میں راجندر کالج چھپرہ کی ایکتا کماری و سمن کماری اور ایچ آر کالج امنور کی آرتی کماری شامل ہیں۔رجسٹرار پروفیسر رنجیت نے رضاکاروں سے خطاب کرتے ہوئے کہا کہ انہیں یقین ہے کہ وہ یونیورسٹی کی شان اضافہ کریں گی۔ہریدوار میں بہترین کارکردگی کا مظاہرہ کرنے کے بعد نئی دہلی میں یوم جمہوریہ پریڈ کے لیے منتخب ہونے والے رضاکاروں کو واپسی پر یونیورسٹی میں اعزاز سے نوازا جائے گا۔این ایس ایس کے یونیورسٹی کوآرڈینیٹر پروفیسر ہریش چندر نے کہا کہ اس بار یوم جمہوریہ پریڈ کے لیے پورے ہندوستان سے این ایس ایس کے 200 طلبہ رضاکاروں کا انتخاب کیا جائے گا۔ریاستی سطح کے انتخابی مقابلے میں بہار کی تمام یونیورسٹیوں میں سب سے زیادہ تین رضاکاروں کا انتخاب جے پرکاش یونیورسٹی سے کیا گیا ہے۔انہوں نے تمام رضاکاروں کو نیک خواہشات پیش کیں اور ان سے بہتر کارکردگی کا مظاہرہ کرنے اور دہلی کے یوم جمہوریہ پریڈ میں شرکت کی امید ظاہر کی۔اس موقع پر انجینئر پرمود کمار سنگھ،وویک کمار،قبل میں یوم جمہوریہ پریڈ میں حصہ لے چکے نکھل کمار اور پی جی این ایس ایس کے رضاکار مکیسر پنڈت بھی موجود تھے۔