تاثیر،۱۳ نومبر۲۰۲۳:- ایس -ایم- حسن
حیدرآباد ،13؍نومبر: حیدرآباد کے ایک کیمیکل گودام میں لگنے والی زبردست آگ میں اب تک 9 افراد ہلاک ہوچکے ہیں۔ جبکہ کئی لوگ شدید زخمی ہوئے ہیں۔یہ واقعہ حیدرآباد کے نامپلی میں پیش آیا۔ آگ یہاں ایک چار منزلہ عمارت کی پہلی منزل پر لگی۔ وینکٹیشور راؤ، ڈی سی پی، سینٹرل زون، حیدرآباد کے مطابق، گراؤنڈ فلور پر واقع گودام میں ایک کار کی مرمت کا کام چل رہا تھا۔اس دوران چنگاری گودام میں رکھے کیمیکل بیرل تک پہنچ گئی اور آگ لگ گئی۔ کچھ ہی دیر میں آگ نے عمارت کی دوسری منزلوں کو اپنی لپیٹ میں لے لیا اور چھ افراد ہلاک ہوگئے۔واقعے کی اطلاع ملتے ہی فائر بریگیڈ کی ٹیم موقع پر پہنچ گئی۔ جو آگ بجھانے کا کام کر رہا ہے۔ فی الحال اس پورے معاملے کی بھی جانچ کی جا رہی ہے۔ فائر بریگیڈ کی ٹیم بھی موقع پر پھنسے لوگوں کو نکالنے میں مصروف ہے۔ فائر بریگیڈ کے مطابق 20 افراد کو بحفاظت باہر نکال لیا گیا ہے۔ اس کثیر المنزلہ عمارت سے بحفاظت نکالے جانے والوں میں ایک چھوٹا بچہ بھی شامل ہے۔ سوشل میڈیا پر ایک ویڈیو وائرل ہو رہی ہے جس میں فائر بریگیڈ کے اہلکار بچے کو کھڑکی سے باہر نکالتے ہوئے نظر آ رہے ہیں۔