تاثیر،۱۴ نومبر۲۰۲۳:- ایس -ایم- حسن
کولکاتا، 14 نومبر: مغربی بنگال کی وزیر اعلیٰ ممتا بنرجی نے ‘پدم وبھوشن’ پی آر ایس اوبرائے کے انتقال پر غم کا اظہار کیا ہے۔ وزیر اعلی نے منگل کو اپنے ایکس ہینڈل پر لکھا کہ وہ اوبرائے گروپ کے چیئرمین اور ہندوستانی مہمان نوازی کے شہنشاہ ‘پدم وبھوشن’ پی آر ایس اوبرائے کے انتقال سے غمزدہ ہیں۔ ان کی تربیت دارجلنگ میں ہوئی۔ ان کی کامیابیاں مغربی بنگال سے جڑی ہوئی ہیں۔ ہم سب کو ناقابل تلافی نقصان محسوس ہوگا۔ خاندان، دوستوں اور مداحوں سے میری تعزیت۔‘‘
قابل ذکر ہے کہ پرتھوی راج اوبرائے 3 فروری 1929 کو دہلی میں پیدا ہوئے تھے۔ سینٹ پال اسکول، دارجلنگ سے اپنی تعلیم مکمل کرنے کے بعد، انہوں نے سوئٹزرلینڈ کے ایک کالج سے ہوٹل مینجمنٹ میں ڈگری حاصل کی۔ اپنے والد کی موت کے بعد، پرتھوی راج نے 2002 میں ای آئی ایچ گروپ کے چیئرمین کا عہدہ سنبھالا۔ ملک کی کئی ریاستوں میں اوبرائے گروپ کے ہوٹل کھولنے کے علاوہ اس گروپ کے مصر، انڈونیشیا سمیت دنیا کے بڑے شہروں میں بھی ہوٹل ہیں۔ پرتھوی راج کو 2008 میں ملک کے سیاحت اور مہمان نوازی کے شعبے میں ان کی شراکت کے لیے ‘پدم وبھوشن’ سے نوازا گیا تھا۔