تاثیر،۲ دسمبر۲۰۲۳:- ایس -ایم- حسن
میڈرڈ، 2 دسمبر: 22 مرتبہ کے گرینڈ سلیم چیمپئن رافیل نڈال جنوری میں آسٹریلیا میں برسبین انٹرنیشنل ٹینس ٹورنامنٹ سے کورٹ میں واپسی کریں گے۔ نڈال نے جمعہ کو سوشل میڈیا کے ذریعے یہ معلومات دی۔
نڈال نے سوشل میڈیا پر پوسٹ کردہ ایک ویڈیو میں کہا، ’’ایک سال تک مقابلہ نہیں کرنے کے بعد، اب واپس آنے کا وقت ہے۔ یہ جنوری کے پہلے ہفتے میں برسبین میں ہوگا۔ وہاں ملتے ہیں۔‘‘ 37 سالہ ہسپانوی کھلاڑی گزشتہ جنوری میں آسٹریلین اوپن کے دوسرے راونڈ میں ہپ فلیکسر کی انجری میں مبتلا ہونے کے بعد سے ٹینس کورٹ سے دور ہیں۔
مئی میں فرنچ اوپن کے آغاز سے ایک ہفتہ سے کچھ زیادہ پہلے، نڈال نے اعلان کیا کہ وہ اس ٹورنامنٹ کو مس کریں گے جسے انہوں نے ریکارڈ 14 بار جیتا ہے اور اس بات کا قطعی طور پر یقین نہیں تھا کہ وہ کب واپس کھیلیں گے۔
نڈال نے پھر کہا کہ وہ 2024 میں مقابلہ کرنے کی امید رکھتے ہیں، جو ان کا آخری سیزن ہوگا۔ نڈال نے اس وقت ایک پریس کانفرنس میں کہا کہ ’’آپ کبھی نہیں جانتے کہ چیزیں کیسے ہوں گی، لیکن میرا ارادہ ہے کہ اگلا سال میرا آخری سال ہوگا۔‘‘
جون میں بارسلونا میں ان کی آرتھروسکوپک سرجری ہوئی تھی۔ 2022 کے اختتام تک، وہ اپنے آخری نو میچوں میں سے سات ہار چکے ہیں۔
نڈال سب سے زیادہ گرینڈ سلیم سنگلز ٹائٹل جیتنے کے معاملے میں دوسرے نمبر پر ہیں۔ ان کے پاس 22 گرینڈ سلیم سنگلز ٹائٹلز ہیں،جک پہلے نمبر پر نوواک جوکووچ ہیں، جن کے پاس 24 گرینڈ سلیم سنگلز ٹائٹل ہیں۔