تاثیر،۱۱ دسمبر۲۰۲۳:- ایس -ایم- حسن
رنبیر کپور کی ‘اینیمل’ نے باکس آفس پر دھوم مچا دی ہے۔ فلم دیکھنے کے لیے شائقین سینما گھروں میں پہنچ رہے ہیں۔ فلم کو شائقین کی جانب سے مثبت ردعمل مل رہا ہے۔ فلم ‘اینیمل’ نے نو دنوں میں ہندوستان میں 432.27 کروڑ روپے اور دنیا بھر میں 727 کروڑ روپے کی کمائی کی ہے۔
فلم نے پہلے دن 63 کروڑ روپے کمائے۔ دس دن گزرنے کے بعد بھی یہ فلم باکس آفس پر اپنی گرفت برقرار رکھنے میں کامیاب رہی ہے اور اس نے زبردست کمائی کی ہے۔ انڈسٹری ٹریکر “سیکلک کی رپورٹ کے مطابق، اینیملنے 10 دسمبر یعنی دوسرے اتوار کو تقریباً 37 کروڑ روپے اکٹھے کیے تھے۔ اس طرح فلم نے 400 کروڑ کا ہندسہ عبور کرلیا۔ فلم نے اب تک 432.27 کروڑ روپے کما لیے ہیں۔ اس نے دنیا بھر میں 727 کروڑ روپے کمائے ہیں۔
فلم ‘اینیمل’ پہلے دن رنبیر کے کیریئر کی سب سے زیادہ کمائی کرنے والی فلم بن گئی ہے۔ شاہ رخ خان کی دونوں فلمیں ‘جوان’ اور ‘پٹھان’ نے ایک ساتھ 2200 کروڑ روپے کا بزنس کیا۔ ‘اینیمل’ کے لیے اتنی کمائی ممکن نہیں، لیکن یہ ان میں سے کسی ایک فلم کا ریکارڈ ضرور توڑ سکتی ہے۔ فلم ‘اینیمل’ میں رنبیر کے ساتھ رشمیکا مندانا، انیل کپور، بوبی دیول، شکتی کپور، ترپتی ڈمری بھی اہم کرداروں میں ہیں۔