تاثیر،۱۸ دسمبر۲۰۲۳:- ایس -ایم- حسن
نئی دہلی، 18 دسمبر: کانگریس کے صدر ملکارجن کھڑگے نے پیر کو عوامی تعاون کے ذریعے چندہ اکٹھا کرنے کے لیے ‘ڈونیشن فار دیش ‘ مہم کا آغاز کیا۔ انہوں نے خود اس میں 1.38 لاکھ روپے کا عطیہ دیا۔
مہم کا آغاز کانگریس صدر کھڑگے کی رہائش گاہ 10 راجا جی مارگ، نئی دہلی سے کیا گیا۔ اس دوران کانگریس کے خزانچی اجے ماکن، پارٹی جنرل سکریٹری، لیڈر کے سی وینوگوپال، جئے رام رمیش اور کئی دیگر پارٹی قائدین موجود تھے۔کانگریس کے صدر نے ٹویٹر پر کہا، ’’ڈونیٹ فار دیش‘‘ مہم پسماندہ طبقات کے حقوق کو برقرار رکھنے، عدم مساوات کو ختم کرنے اور سرمایہ دارانہ لوگوں کی حمایت کرنے والی آمرانہ حکومت کے خلاف مضبوط اپوزیشن بننے کا عہد ہے۔ http://donateinc.in پر لاگ ان کریں اور اپنا اہم حصہ ڈالیں۔ یہ اقدام 1920-21 میں مہاتما گاندھی کے تاریخی ‘تلک سوراج فنڈ’ سے متاثر ہے۔ “یہ ہندوستانی آئین کی اقدار کے تحفظ اور انڈین نیشنل کانگریس کی 138 سالہ شاندار تاریخ کے تحفظ کے لیے ملک گیر تحریک ہے۔
کانگریس لیڈر اجے ماکن نے کہا کہ ایک بہتر ہندوستان کے لیے، ایک جامع ہندوستان کے لیے، گاندھی جی کے تلک سوراج فنڈ کی طرز پر ‘ڈونیشن فاردیش ‘ شروع کیا گیا ہے۔
قابل ذکر ہے کہ کانگریس پارٹی کے 138 سال مکمل ہونے پر، کانگریس پارٹی ہم وطنوں سے درخواست کرتی ہے کہ وہ 138 روپے (مثلاً 138 روپے، 1380 روپے، 13800 روپے یا اس سے زیادہ) کا عطیہ دیں تاکہ کانگریس پارٹی بہتر ہندوستان کے لیے اپنا حصہ ڈال سکے۔ کانگریس نے اس آن لائن کراؤڈ فنڈنگ کے لیے دو چینل بنائے ہیں۔