تاثیر،۲۱ دسمبر۲۰۲۳:- ایس -ایم- حسن
نئی دہلی، 21 دسمبر (ہ س)۔ کانگریس صدر اور راجیہ سبھا میں اپوزیشن لیڈر ملکارجن کھڑگے نے کہا کہ مودی حکومت نہیں چاہتی کہ ایوان کام کرے۔ وہ اپوزیشن کو بولنے نہیں دینا چاہتے۔
جمعرات کو وجے چوک میں میڈیا سے بات کرتے ہوئے کھڑگے نے کہا کہ جمہوریت میں سوال کرنا ہمارا حق ہے۔ ہم سوال اٹھا رہے ہیں کہ وزیر اعظم اور وزیر داخلہ پارلیمنٹ کی سیکورٹی میں کوتاہی پر بیان دیں۔کھڑگے نے کہا کہ وزیر اعظم اور وزیر داخلہ دوسری جگہوں پر بات کر رہے ہیں لیکن وہ ایوان میں بیان نہیں دیتے، یہ ایوان کی توہین ہے۔نائب صدر کی توہین کے معاملے پر پوچھے گئے سوال کے جواب میں کھڑگے نے کہا کہ انہیں (نائب صدر کو) اس معاملے کو ذات کا مسئلہ نہیں بنانا چاہیے۔ جمہوریت میں ہر کسی کو اپنے خیالات کے اظہار کا حق حاصل ہے۔قابل ذکر ہے کہ انڈیا اتحادی جماعتوں کے ارکان پارلیمنٹ نے آج پارلیمنٹ سے وجئے چوک تک کانگریس صدر ملکارجن کھڑگے کی قیادت میں ارکان پارلیمنٹ کی معطلی اور پارلیمنٹ میں سیکورٹی میں کوتاہی کے معاملے پر احتجاجی مارچ نکالا۔ اس دوران اپوزیشن نے مطالبہ کیا کہ وزیر داخلہ پارلیمنٹ میں سیکورٹی لیپس کے معاملے پر دونوں ایوانوں میں جواب دیں اور تمام معطل ارکان پارلیمنٹ کی معطلی واپس لی جائے۔