تاثیر،۳۱ دسمبر۲۰۲۳:- ایس -ایم- حسن
وارانسی، 31 دسمبر:یکم نومبر کی رات آئی آئی ٹی بی ایچ یو کی طالبہ کے ساتھ چھیڑ چھاڑ اور اجتماعی عصمت دری کرنے والے تین نوجوانوں کو پولیس نے ایک ماہ کے بعد گرفتار کرنے میں کامیاب ہوئی ۔ نوجوان سے واردات میں استعمال ہونے والی بلٹ موٹر سائیکل بھی برآمد کر لی گئی ہے۔ واقعہ کے بعد کرائم برانچ اور پولیس ٹیم نے 190 سے زائد سی سی ٹی وی کیمروں کی فوٹیج کا تجزیہ کیا اور نگرانی کی رپورٹ کی بنیاد پر تینوں کو گرفتار کرلیا۔
پولیس کے مطابق ملزمین کی شناخت کنال پانڈے ساکن برج انکلیو کالونی سندر پور، آنند عرف ابھیشیک چوہان ساکن جیوادھی پور بجارڈیہہ اور سکشم پٹیل کے طور پر کی گئی ہے۔
آئی آئی ٹی بی ایچ یوکے شعبہ ریاضی کی انجینئرنگ کی ایک بی ٹیک طالبہ یکم نومبر کی صبح تقریباً 1.30 بجے نیو گرلز ہاسٹل سے باہر جانے کے لیے نکلی۔ طالبہ پیدل چلتی ہوئی کچھ دور پہنچی تو راستے میں اس کا ہم جماعت دوست بھی اس سے ملا۔ جب وہ دونوں باتیں کر رہے تھے کہ وہ کیمپس میں واقع کرمنبیر بابا مندر کے قریب پیدل ہی پہنچے تھے کہ اچانک بلٹپر سوار تین نوجوان وہاں پہنچے اور اپنے ہتھیار دکھا کر طالب علم کے دوست کو مارا پیٹا اور بھگا دیا اور طالبہ کو پکڑ کر مندر کے کونے میں لے گئے ۔وہاں تینوں نے بندوق کی نوک پر طالبہ کی عصمت دری کی۔ ملزم نے طالبہ کی ویڈیو بھی بنائی۔ اس کا موبائل بھی چھین لیا گیا۔ طالبہ کسی طرح وہاں سے ہاسٹل پہنچی اور اپنے دوستوں کو واقعہ کی اطلاع دی۔ واقعہ کے دوسرے دن بی ایچ یو کے طلباء نے ملزمین کی گرفتاری کا مطالبہ کرتے ہوئے کئی دنوں تک مظاہرہ کیا۔