کبڈی ایسوسی ایشن نے رماکانت سولنکی کا استقبال کیا

چھپرہ (نقیب احمد)

سارن ڈسٹرکٹ کبڈی ایسوسی ایشن کے صدر رماکانت سنگھ سولنکی کے بطور قومی خزانچی منتخب ہونے پر ایک پروقار تقریب کا اہتمام کیا گیا۔چھشتریہ مہاسبھا میں منعقد تقریب کی صدارت کامیشور سنگھ نے کی۔ضلع کبڈی ایسوسی ایشن اور چھتریہ مہاسبھا کے مشترکہ زیراہتمام چھتریہ ہاسٹل میں منعقدہ پروگرام میں ڈاکٹر ہریندر سنگھ نے مہمانوں کا خیرمقدم کیا۔تقریب سے خطاب کرتے ہوئے اولمپک ایسوسی ایشن کے صدر پروفیسر ایچ کے ورما نے اسے سارن ضلع کے تمام محبان کھیل کے لیے ایک ناقابل فراموش لمحہ قرار دیا۔بہار ویٹ لفٹنگ ایسوسی ایشن کے جنرل سکریٹری ڈاکٹر سریش پرساد سنگھ نے اسے تاریخی قرار دیا اور نیک خواہشات کا اظہار کیا۔ضلع کبڈی ایسوسی ایشن کے سکریٹری پنکج کشیپ نے کہا کہ آنے والے وقت میں سارن کے کھلاڑی بین الاقوامی کھیلوں میں پہنچیں گے۔تقریب سے رام دیال شرما،ڈاکٹر دیو کمار سنگھ،امریندر سنگھ،والی بال کے امیت سوربھ،پرمود سنگھ،رمیش سنگھ،یوگا سکریٹری یشپال سنگھ،ویٹ لفٹنگ سکریٹری سونو کمار،ووشو سکریٹری ونے پنڈت،ریسلنگ سکریٹری وکاس کمار نے بھی خطاب کیا۔اس موقع پر مسٹر سولنکی نے کہا کہ وہ ضلع کے کھیلوں سے محبت کرنے والوں کی طرف سے ملنے والی بے پناہ محبت سے متاثر ہیں۔سب کا شکریہ ادا کرتے ہوئے یقین دلاتا ہوں کہ ضلع کو کھیلوں کے ہب کے طور پر ترقی دینے کی ہر ممکن کوشش کی جائے گی۔اس موقع پر جتیندر سنگھ،کیدار سنگھ،سشیل سنگھ،کوشلندر،ہیمنت،سورج،نیرج تیواری،مرتونجے،پنکج چوہان،رنوجے،بھنور، موہت،پرمود،امیت گری،روہت سنگھ وغیرہ موجود تھے۔نظامت کیشری سنگھ نے کیا اور شکریہ کا ووٹ کامیشور سنگھ نے پیش کیا۔