تاثیر،۶فروری ۲۰۲۴:- ایس -ایم- حسن
‘دیسی گرل’ پرینکا چوپڑا اور نک جونس کی شادی کو پانچ سال ہو چکے ہیں۔ دونوں کی شاہی شادی سال 2018 میں راجستھان کے ایک عظیم الشان محل میں ہوئی تھی۔ بھارتی شادی کی تقریب دیکھ کر نک کے اہل خانہ حیران رہ گئے۔ ہالی ووڈ گلوکار نک جونس نے انکشاف کیا ہے کہ وہ اپنی شادی کا بل دیکھ کر حیران رہ گئے تھے۔
نک جونس نے اپنے دونوں بھائیوں کے ساتھ ایک شو میں شرکت کی۔ شو کے میزبان نے گاڑی میں بیٹھے تینوں بھائیوں سے کئی سوال پوچھے۔ اس دوران نک سے سوال کیا گیا کہ ‘آپ کی شادی کے تمام فنکشنز دیکھنے کے بعد کیا آپ کو لگا کہ بہت ہو گیا اور زیادہ نہیں؟’ اس پر نک نے ہنستے ہوئے کہا، “ہاں، خاص طور پر بل دیکھ کر۔” پرینکا اور نک کی شادی کی کل لاگت 3.5 کروڑ روپے تھی۔ غیر ملکی مہمان اس شادی کو دیکھ کر بہت خوش ہوئے۔ اس شادی میں نک کے بہت سے مہمان خصوصی طور پر ہندوستان آئے تھے۔ شادی کے بعد پرینکا نک کے ساتھ لاس اینجلس شفٹ ہوگئیں۔ سال 2022 میں اس نے سروگیسی کے ذریعے بیٹی کو جنم دیا۔ اس کا نام مالتی مریم رکھا گیا۔ مالتی مریم چند ماہ قبل پہلی بار بھارت آئی تھیں۔