تاثیر،۸فروری ۲۰۲۴:- ایس -ایم- حسن
نئی دہلی، 8 فروری: آیوشمان بھارت ڈیجیٹل مشن کے تحت اب تک 10 کروڑ سے زیادہ آیوشمان بھارت ہیلتھ اکاونٹس (آبھا) بنائے گئے ہیں۔
صحت اور خاندانی بہبود کی وزارت کی طرف سے معلومات دی گئی ہے کہ ملک گیر ہیلتھ کیئر کو ڈیجیٹائز کرنے کیپہل کے تحت آبھا کارڈز کی تعداد جمعرات کو 10 کروڑ سے تجاوز کر گئی ہے۔ آیوشمان بھارت ہیلتھ اکاونٹ افراد کو ایک منفرد صحت کارڈ فراہم کرتا ہے۔
آبھا کارڈ کیا ہے؟
آیوشمان بھارت ہیلتھ اکاونٹ کارڈ کے نام سے بھی جانا جانے والا آبھا کارڈ حکومت ہند کے ذریعہ فراہم کی جانے والی ہیلتھ کیئر پہچان ہے۔ یہ آپ کے موبائل نمبر اور آدھار نمبر کا استعمال کرتے ہوئے تیار کیا گیا14 ہندسوں کا شناختی نمبر ہے ۔ یہ کارڈ آپ کی تمام میڈیکل ہسٹری کے لیے ایک ڈیجیٹل ہب ہے،جس میں گزشتہ ڈائیگناسٹک رپورٹ شامل ہیں۔یہ فزیکل فائلوں کے انتظام کی پریشانی کو دور کرتا ہے اور مختلف جگہوں پر بھی صحت کی دیکھ بھال کرنے والے پیشہ ور افراد کے ساتھ طبی دستاویزات کے باآسانی اشتراک کی اجازت دیتا ہے۔