تاثیر،۱۰فروری ۲۰۲۴:- ایس -ایم- حسن
لکھنؤ، 10 فروری : وزیر اعلیٰ یوگی آدتیہ ناتھ نے کہا کہ ریاست کی سابقہ ایس پی حکومت میں فسادات ہوتے تھے، لیکن اب تمام تہوار پرامن طریقے سے منائے جاتے ہیں۔ ریاست میں ایک بھی فساد نہیں ہوا ہے۔ اب ریاست میں بھرتی کا عمل شفاف طریقے سے چل رہا ہے۔وزیر اعلیٰ یوگی نئی دہلی کے امبیڈکر انٹرنیشنل سینٹر میں منعقدہ دو روزہ ‘گڈ گورننس مہوتسو 2024’ سے ورچولی خطاب کر رہے تھے۔ وزیر اعلیٰ نے کہا کہ اتر پردیش ایک نئی شناخت کے ساتھ آپ کے سامنے ہے۔ حکومت کو سات سال مکمل ہونے کو ہیں۔ 2017 سے پہلے کے حالات سے سب واقف ہیں۔ قانون پر بلا تفریق عمل کیا جا رہا ہے۔ سرکاری اسکیموں سے لوگ مستفید ہو رہے ہیں۔ ہم نے ٹیکنالوجی کا بہتر استعمال کیا۔ پہلے لوگ اتر پردیش نہیں آنا چاہتے تھے۔ آج سرمایہ کاری کی تجاویز بڑی تعداد میں آرہی ہیں۔
آدتیہ ناتھ نے کہا کہ گاؤں کے سوراج کے تصور کو روایتی دستکاری اور کاریگری کے ذریعے عملی شکل دی جا رہی ہے۔ ہم ریاست کے روایتی اداروں کو فروغ دے رہے ہیں۔ ہم پی ایم وشوکرما یوجنا کے ذریعے کاریگروں کو فائدہ پہنچا رہے ہیں۔ شوگر انڈسٹری آج خود کفیل ہے۔ ریاست میں بجلی یکساں طور پر دستیاب ہے۔ پہلے صرف پانچ سات اضلاع میں بجلی دستیاب تھی۔قابل ذکر ہے کہ بی جے پی کے قومی صدر جے پی نڈا نے جمعہ کی شام نئی دہلی کے امبیڈکر انٹرنیشنل سینٹر میں دو روزہ ‘ گڈ گورننس مہوتسو 2024’ کا افتتاح کیا۔اس میلے کا مقصد مودی حکومت کے دور میں تمام شعبوں میں ترقیاتی کاموں اور اچھی حکمرانی کے اہم نکات کو ملک کے سامنے پیش کرنا ہے۔ فیسٹیول کے دوسرے دن اتر پردیش کے وزیر اعلی ٰیوگی آدتیہ ناتھ سمیت کئی سرکردہ لیڈر عورچوالی طور پر شامل ہوئے۔