کیمپ کا انعقاد کرکے 118 مستفیدین کو آیوشمان کارڈ فراہم کئے گئے

ریول گنج/سارن (نقیب احمد)

ریول گنج کے کچنار اور سرسیا میں کیمپ منعقد کر 118 آیوشمان گولڈن کارڈ تقسیم کیے گئے۔اس موقع پر موجود مہمان خصوصی ایم ایل اے ڈاکٹر سی این گپتا نے کہا کہ پردھان منتری جن آروگیہ یوجنا کے فوائد ایم پی راجیو پرتاپ روڈی کی سروس گاڑی کے ذریعے عام لوگوں تک پہنچائے جا رہے ہیں۔مہمان خصوصی پارٹی کے چیف ترجمان کم اسمبلی کنوینر دھرمیندر سنگھ چوہان نے کہا کہ ایم پی روڈی نے اپنے فنڈز سے سروس گاڑی چلائی ہے اور ہیلتھ کیمپس،مختلف اسکیموں کا رجسٹریشن اور ان کے فوائد کو عوام کی دہلیز تک پہنچایا ہے۔ضلع پریشد کے رکن گڈو ساہ نے کہا کہ آیوشمان کارڈ غریبوں کے لیے لائف لائن ثابت ہو رہا ہے۔5 لاکھ روپے تک کے علاج کی ضمانت انہیں فکر سے آزاد کر رہی ہے۔او بی سی مورچہ کے ریاستی وزیر ڈاکٹر وکاش گپتا نے کہا کہ بہار میں پہلی بار ایم پی روڈی نے سارن کے ہر گاؤں میں گیس پائپ لائن کے ذریعے گیس کی سپلائی کی ہے۔گولڈن کارڈ ملنے کے بعد مستحقین کافی خوش نظر آئے۔اس موقع پر منڈل کے سابق صدر انورنجن پرساد،مکھیا ناگیندر رام،سونو رائے،اپنیش سنگھ وغیرہ کارکنان موجود تھے۔