تاثیر،۲۷فروری ۲۰۲۴:- ایس -ایم- حسن
حیدرآباد، 27 فروری :تین بار کی چیمپئن پٹنہ پائریٹس نے پرو کبڈی لیگ (پی کے ایل ) کے 10ویں سیزن کے سیمی فائنل میں جگہ بنا لی ہے۔ پٹنہ نے پیر کی رات جی ایم سی بالایوگی اسپورٹس کمپلیکس (گچی بوولی) میں کھیلے گئے ایلیمینیٹر-1 کے سنسنی خیز مقابلے میں دبنگ دہلی کو 37-35 سے شکست دی۔ اب 28 فروری کو سیمی فائنل میں پٹنہ کا مقابلہ پونیری پلٹن سے ہوگا۔
دبنگ دہلی کے کپتان آشو ملک نے سب سے زیادہ 19 پوائنٹس اسکور کیے جبکہ کوئی دوسرا کھلاڑی اسکور نہ کرسکا۔ پٹنہ کے لیے سچن نے نو پوائنٹس لیے، منجیت اور سدھاکر نے پانچ پانچ پوائنٹ لیے جبکہ سندیپ کمار نے بھی پانچ پوائنٹ لیے۔
تین بار کی چمپئن پٹنہ پائریٹس نے زبردست شروعات کی اور پہلے ہی ریڈ میں سچن تنور کے سپر رائیڈ میں دو پوائنٹس حاصل کیے۔ اس کے بعد، کھیل کے پہلے پانچ منٹ میں، اس نے سیزن 8 کی چیمپئن دہلی کے خلاف 4-4 سے ڈرا حاصل کیا۔ دہلی نے ایک پوائنٹ کی برتری حاصل کرنے کے بعد، پٹنہ نے بھی کرو یا مرو میں ایک پوائنٹ بنا کر اپنی برتری کو بڑھا دیا۔ میچ میں 8-5 کی برتری کے ساتھ پٹنہ نے پھر سچن کے سپر ریڈ کی مدد سے دبنگ دہلی کو آل آوٹ کر کھیل کے پہلے 10 منٹ میں اسکور 12-5 کر دیا۔
آل ان ہوکراندر آنے کے بعد، دبنگ دہلی نے کھیل کے اگلے 10 منٹ میں واپسی کرنے کی کوشش کی۔ کپتان آشو ملک کے زور پر پٹنہ کی برتری کم ہونے لگی لیکن پٹنہ کے لیے سچن بھی مسلسل پوائنٹ اسکور کر رہے تھے اور اس کی وجہ سے ٹیم 15ویں منٹ تک 14-9 سے آگے تھی۔ دریں اثنا، آشو ملک نے چار پوائنٹس کا سپر ریڈ اسکور کرکے میچ کا رخ ہی پلٹ دیا۔ اگلے ہی منٹ میں دبنگ دہلی نے پٹنہ پائریٹس کو آل آوٹ کر کے میچ میں 16-15 کی برتری حاصل کر لی۔
اس کے بعد آشو نے 17 ویں منٹ میں دو پوائنٹ کا سپر ریڈمار کر اپنا سپر 10 مکمل کیا اور دہلی کا اسکور 18-15 کر دیا۔ لیکن پھر سدھاکر نے بھی پٹنہ پائریٹس کو دو پوائنٹس کی ریڈ کے ساتھ 19-18 سے آگے کردیا۔ تاہم، سدھاکر اگلے ریڈ میں آوٹ آف بونڈ چلے گئے اور دہلی نے پہلے ہاف کے اختتام پر 20-19 کی برتری حاصل کر لی۔
دوسرے ہاف کے آغاز کے بعد آشو ملک نے 23 ویں منٹ میں ایک اور تین پوائنٹ کے سپر ریڈ سے دہلی کو 23-20 کی برتری دلائی۔ 28ویں منٹ تک دہلی کی ٹیم 24-22 سے آگے تھی۔ تاہم تین بار کے چیمپئن نے واپسی کرتے ہوئے میچ کے 30ویں منٹ تک اسکور 25-25 سے برابر کردیا۔
دونوں ٹیموں کے درمیان کھیل کے آخری 10 منٹ انتہائی سنسنی خیز رہے۔ جہاں دہلی کو دو پوائنٹس کی برتری حاصل تھی، وہیں پٹنہ نے بھی واپسی کی امید نہیں چھوڑی۔ دوسرے ہاف میں دبنگ دہلی کا دفاع شاندار تھا اور اس کی وجہ سے دہلی کی ٹیم 35ویں منٹ تک 28-26 سے آگے تھی۔ 26 ویں منٹ میں سندیپ کمار نے پٹنہ پائریٹس کو دو پوائنٹس کی برتری دلائی۔ اس دوران دہلی کے صرف دو ریڈر نے مل کر منجیت کا سپر ٹیکل کر لیا اور دہلی نے پھر سے 31-29 کی برتری حاصل کی۔
میچ ختم ہونے میں صرف دو منٹ باقی تھے اور دہلی نے پھر سچن پر سپر ٹیکل کرتے ہوئے اسکور کو 33-30 تک پہنچا دیا۔ لیکن پٹنہ نے مسلسل دو پوائنٹس بنا کر واپسی کی اور میچ 32-32 سے برابر رہا۔ تاہم، تب دبنگ دہلی آل آwٹ ہوگئی اور پٹنہ نے 35-33 کا اسکور کیا۔ آخری منٹوں میں منجیت نے ایک اور پوائنٹ لیا اور اس کے ساتھ ہی وہ سیمی فائنل میں پہنچ گئے۔ اس کے ساتھ پٹنہ نے دبنگ دہلی کو 37-35 سے شکست دی۔