تاثیر،۲۹فروری ۲۰۲۴:- ایس -ایم- حسن
خبریں ہیں کہ اداکارہ تاپسی پنو جلد شادی کرنے والی ہیں۔ تاپسی گزشتہ 10 سالوں سے بوائے فرینڈ اور مشہور بیڈمنٹن کھلاڑی میتھیاس بو کے ساتھ تعلقات میں ہیں۔ اب یہ جوڑا اپنے رشتے کو اگلے درجے پر لے جانے والا ہے اور ان کی شادی کے چرچے بھی شروع ہو گئے ہیں۔ اب اداکارہ نے خود ان خبروں پر خاموشی توڑتے ہوئے بڑا بیان دے دیا ہے۔
تاپسی نے میڈیا سے بات کرتے ہوئے کہا، ‘میں نے اپنی ذاتی زندگی کے بارے میں کبھی کوئی وضاحت نہیں دی اور نہ ہی آئندہ بھی دوں گی۔’ اگرچہ تاپسی نے رد عمل ظاہر کیا ہے، لیکن انہوں نے اس بارے میں کوئی واضح معلومات نہیں دی کہ آیا وہ شادی کریں گی یا نہیں۔حال ہی میں ایک رپورٹ میں بتایا گیا تھا کہ تاپسی اور متھیاس مارچ میں راجستھان کے ادے پور میں سکھ اور عیسائی دونوں رسم و رواج سے شادی کریں گے، جہاں صرف ان کے اہل خانہ اور قریبی دوست ہی موجود ہوں گے اور کسی بھی بالی ووڈ اداکار کو شادی میں مدعو نہیں کیا جائے گا۔ ورک فرنٹ کی بات کریں تو تاپسی کامیڈی ڈرامہ فلم ‘وہ لڑکی ہے کہاں’ میں نظر آئیں گی۔