تاثیر،۱۹مارچ ۲۰۲۴:- ایس -ایم- حسن
پٹنہ، 19 مارچ: لوک سبھا انتخابات کی تاریخوں کا اعلان کر دیا گیا ہے ، یہ انتخابات سات مرحلوں میں کرائے جائیں گے۔ اس سب کے درمیان این ڈی اے اتحاد میں سیٹوں کی تقسیم ہوئی ہے۔ دوسری طرف ابھی تک کچھ بھی طے نہیں ہوا ہے کہ ا?ئندہ لوک سبھا انتخابات کے لیے ریاست میں نیشنل ڈیموکریٹک الائنس کس سیٹ پر امیدوار ہوگا۔ اسی سلسلے میں نائب وزیر اعلیٰ سمراٹ چودھری نے بھی ا?ج دہلی سے پٹنہ پہنچنے کے بعد پٹنہ ایئرپورٹ پر صحافیوں سے بات کرتے ہوئے ایک نیا دعویٰ کیا ہے۔
سمراٹ چودھری نے کہا کہ این ڈی اے میں سیٹوں کی تقسیم ہوئی ہے، یقینی طور پر اس بار تمام سیٹوں پر این ڈی اے کے امیدوار ہی الیکشن جیتیں گے۔ انہوں نے دعویٰ کرتے ہوئے کہا کہ اس بار بہار کے عوام این ڈی اے اتحاد کو 40 میں سے 40 سیٹیں دلائیں گے۔ عظیم اتحاد کو ا?ڑے ہاتھوں لیتے ہوئے انہوں نے کہا کہ ہمیں نہیں معلوم کہ وہ سیٹیں کب تقسیم کریں گے یا کیا کریں گے لیکن یہ ضرور جانتے ہیں کہ اگر وہ کہیں سے بھی کوئی امیدوار کھڑا کریں تو انہیں کامیابی نہیں ملے گی۔
مرکزی وزیر پشوپتی کمار پارس کے استعفیٰ کے سوال پر سمراٹ چودھری خاموش رہے اور انہوں نے اس پر کوئی جواب نہیں دیا۔ واضح ہوکہ ا?ج راشٹریہ لوک جن شکتی پارٹی کے صدر پشوپتی کمار پارس نے مرکزی وزیر کے عہدے سے استعفیٰ دے دیا ہے۔ پریس کانفرنس سے خطاب کرتے ہوئے پارس نے کہا کہ پی ایم نریندر مودی ملک کے بڑے لیڈر ہیں لیکن پارٹی اور ہمارے ساتھ ذاتی طور پر ناانصافی ہوئی ہے۔ اس لیے وہ مرکزی وزیر کے عہدے سے استعفیٰ دے رہے ہیں۔