تاثیر۹ جون ۲۰۲۴:- ایس -ایم- حسن
کولکاتہ، 09 جون:مغربی بنگال کی حکمراں ترنمول کانگریس 21 جولائی کو شہید دیوس کے موقع پر لوک سبھا انتخابات میں اپنی شاندار کامیابی کا جشن منائے گی۔ 2019 کے عام انتخابات کے مقابلے اس بار پارٹی کو بڑی کامیابی ملی ہے۔ہفتہ کو ترنمول کانگریس کی سپریمو ممتا بنرجی نے نومنتخب ارکان اسمبلی کے ساتھ میٹنگ کی۔ ملاقات کے بعد وزیراعلیٰ نے کہا کہ یہ فتح 21 جولائی کو شہیدوں کو وقف کریں گے۔ انہوں نے اتوار کو سوشل میڈیا پر ایک پوسٹ کی۔ انہوں نے اس میں لکھا کہ سب سے پہلے میں ذات، مذہب، رنگ، زبان سے قطع نظر تمام لوگوں کا عاجزانہ احترام اور شکریہ ادا کرتی ہوں۔ اس کے بعد انہوں نے 21 جولائی کے پلان کے بارے میں لکھا کہ ہم اس فتح کا جشن 21 جولائی یوم شہدا پر منائیں گے۔ انہوں نے یہ بھی لکھا، “اس کے علاوہ، مجھے یہ اعلان کرتے ہوئے فخر محسوس ہو رہا ہے کہ بھارت میں ترنمول کانگریس کی منتخب خواتین ایم پیز کی تعداد 38 فیصد ہے، جو خواتین کو بااختیار بنانے کی علامت ہے۔”دوسری طرف، مرکز میں مسلسل تیسری بار اقتدار میں آنے والی این ڈی اے حکومت کو مشورہ دیتے ہوئے ممتا نے لکھا، ‘نئی مرکزی حکومت سے ہمارا بنیادی مطالبہ این آر سی کو منسوخ کرنا ہوگا۔ نیز ہمیں اپنے حقوق جلد از جلد واپس کرنے ہوں گے۔ مجھے امید ہے کہ سب اپنا فرض ادا کریں گے۔