تاثیر۲۰ جولائی ۲۰۲۴:- ایس -ایم- حسن
لکھنو، 20 جولائی : لکھنو کے بی بی ڈی تھانہ کے تحت ہفتہ کی صبح ایک ٹرک بے قابو ہوکر ایک جھونپڑی میں جا ٹکرایا۔ اس حادثے میں دو بچوں اور ایک جوڑے سمیت ایک ہی خاندان کے چار افراد ہلاک ہو گئے۔ پولیس نے موقع پر پہنچ کر امدادی کارروائیاں شروع کر دیں۔
معلومات کے مطابق گانجے سے لدا ایک ٹرک بی بی ڈی تھانہ علاقے میں بے قابو ہوکر سڑک کے کنارے واقع جھونپڑی میں گھس گیا۔ اس حادثے میں اومیش (35)، اس کی بیوی نیلم (32)، بیٹا سنی (13) اور جھونپڑی میں رہنے والے گولو (4) کی موت ہوگئی۔ مقتولہ نیلم حاملہ تھی۔ اس خوفناک حادثے میں سات سالہ بچی ویشنوی بال بال بچ گئی ہے۔ مرنے والے تمام لوگ بارہ بنکی کے جیت پور علاقے کے رہنے والے تھے اور مزدوری کر کے اپنی روزی کماتے تھے۔
سڑک حادثہ کی اطلاع ملتے ہی پولیس نے موقع پر پہنچ کر جاں بحق افراد کی لاشوں کو اپنی تحویل میں لے کر پنچنامے کی کارروائی مکمل کی۔ بعد ازاں لاشوں کو پوسٹ مارٹم کے لیے بھیج دیا گیا۔ ساتھ ہی ملزم ٹرک ڈرائیور اور کلینر کو گرفتار کرکے ان کے خلاف ایف آئی آر درج کرکے جیل بھیجنے کی کارروائی کی جارہی ہے۔ پولیس نے مورنگ بھرے ٹرک کو قبضے میں لے لیا ہے۔