تاثیر۳۰ جولائی ۲۰۲۴:- ایس -ایم- حسن
راجسمند، 30 جولائی: ضلع کے ناتھ دوارہ میں پیر کی رات زیر تعمیر کمیونٹی بلڈنگ کی چھت گرنے سے چار مزدوروں کی موت ہو گئی۔ تقریباً پانچ گھنٹے کے ریسکو آپریشن کے بعد منگل کی صبح تقریباً چار بجے ملبے تلے دبے مزدوروں کو نکالا گیا۔ سب کی حالت انتہائی تشویشناک ہے۔
واقعہ کی اطلاع ملتے ہی ضلع کلکٹر بھنور لال اور ایس پی منیش ترپاٹھی موقع پر پہنچ گئے۔ پہلے تو انتظامیہ نے جے سی بی منگوا کر کارکنوں کو نکالنے کی کوشش کی لیکن جب اس میں کامیابی نہیں ہوئی تو ایس ڈی آر ایف کو بلایا گیا۔ تمام لاشوں کو ناتھ دوارہ کے لال باغ میں واقع ضلع اسپتال کے مردہ خانہ میں رکھا گیا ہے۔
ایس پی منیش ترپاٹھی نے بتایا کہ ناتھدوارہ کے ٹیمیلا گاوں میں میگھوال برادری کا ایک کمیونٹی ہال بنایا جا رہا ہے۔ رات گیارہ بجے کے قریب زیر تعمیر عمارت کی چھت گر گئی۔ چھت گرنے سے 13 مزدور ملبے تلے دب گئے جن میں سے رات ایک بجے تک 3 مزدوروں کی لاشیں نکال لی گئیں۔ اسی دوران رات 3 بجے کے قریب ایک اور مزدور کی لاش نکالی گئی۔
حادثے میں کالو لال میگھوال، شانتی لال میگھوال، بھگوتی لال میگھوال اور بھنور لال میگھوال کی موت ہوگئی۔ ٹیمیلا کے دیہاتیوں نے بتایا کہ نئی تعمیر شدہ کمیونٹی بلڈنگ کی چھت تین دن پہلے ڈالی گئی تھی۔ پیر کی رات تقریباً 11 بجے وہاں کام کرنے والے 13 مزدور چھت چیک کرنے عمارت کے اندر گئے۔ اس دوران پوری چھت گر گئی۔