تاثیر ۱۳ اگست ۲۰۲۴:- ایس -ایم- حسن
جبل پور، 13 اگست: جبل پور کے بھیڑاگھاٹ روڈ پر بائی پاس کے قریب واقع گورنمنٹ بلائنڈ اسکول میں منگل کو ایک بڑا حادثہ ٹل گیا۔ دراصل یہاں اسکول ہاسٹل کی چھت کا بڑا حصہ گر گیا۔ غنیمت رہی کہ یہ حادثہ ایسے وقت میں پیش آیا جب بچے ابھی چند منٹ پہلے ہی کمرے سے باہر آئے تھے۔ حادثے کے بعد بچوں میں خوف وہراس پھیل گیا۔ دوسری جانب اسکول انتظامیہ حادثے کو دبانے میں مصروف ہے۔بتایا جا رہا ہے کہ جبل پور کے دھنونتری نگر بائی پاس کے قریب واقع نابینا اسکول میں 100 سے زیادہ طلبہ رہتے ہیں۔ یہاں منگل کی صبح تقریباً 9.30 بجے نابینا اور معذور طلبہ اسکول جانے کے لیے تیار ہو رہے تھے۔ اسی دوران ہاسٹل کی دوسری منزل پر واقع کمرہ نمبر 24 کی چھت کا بڑا حصہ بیڈ پر گر گیا۔ اس سے بچے خوفزدہ ہو گئے ہیں۔ گورکھپور کے ایس ڈی ایم پنکج مشرا نے کہا کہ حادثے کی مجھے اطلاع ملی ہے، کوئی جانی نقصان نہیں ہوا ہے۔ عمارت کی خستہ حالی کے بارے میں اعلیٰ حکام کو آگاہ کر دیا گیا ہے۔