تاثیر ۱۳ ستمبر ۲۰۲۴:- ایس -ایم- حسن
نئی دہلی، 13 ستمبر: نبی کریم میں واقع ایک درگاہ کی دیوار گرنے سے ایک شخص ہلاک ہوگیا۔ جبکہ دو افراد زخمی ہو گئے۔ درگاہ کی دیوار کے ملبے تلے تین افراد دب گئے۔ کافی کوشش کے بعد دو لوگوں کو بچا کر اسپتال پہنچایا گیا، جبکہ ایک ملبے تلے دب کر جاں بحق ہوگیا۔
فائر ڈپارٹمنٹ کے ڈائریکٹر اتل گرگ نے بتایا کہ یہ حادثہ صبح سات بجے پیش آیا۔ فائر بریگیڈ کی ٹیم نے موقع پر پہنچ کر ملبے تلے دبے لوگوں کو نکالا۔ ڈی سی پی ایم ہرش وردھن کے مطابق متوفی کی شناخت رحمت (35) کے طور پر کی گئی ہے۔ اتر پردیش کے ہردوئی کا رہنے والا رحمت ای رکشہ چلاتا تھا۔ وہ مسجد کے ساتھ لگی ترپال کے ساتھ رہتا تھا۔