تاثیر ۲۵ ستمبر ۲۰۲۴:- ایس -ایم- حسن
چنڈی گڑھ، 25 ستمبر:راہل گاندھی جمعرات کو ہریانہ میں انتخابی مہم کے لیے ہریانہ کے دورے پر آ رہے ہیں۔ وہ کرنال کے اسندھ اور حصار کے بروالا میں انتخابی جلسوں سے خطاب کریں گے۔ سرسا کی ایم پی کماری سیلجا، جو 12 دن تک انتخابی مہم سے دور رہیں، بھی ان کے ساتھ اسٹیج پر نظر آئیں گی۔ شیلجا نے منگل کی رات کانگریس صدر ملکارجن کھڑگے سے ملاقات کے بعد یہ فیصلہ لیا۔ ان کا پروگرام بدھ کو سیلجا کے دفتر نے جاری کیا ہے۔ کماری سیلجا نے آخری بار 13 ستمبر کو ایک عوامی پروگرام میں حصہ لیا تھا۔ اس کے بعد وہ سوشل میڈیا پر بھی ایکٹیو نہیں رہیں۔ ان کے دفتر کی طرف سے بھی کسی قسم کا کوئی بیان جاری نہیں کیا گیا۔ کشیدگی کے درمیان کماری سیلجا کو کل رات راہل گاندھی کا فون آیا، جس کے بعد انہوں نے کھڑگے سے ملاقات کی۔ اس ملاقات کے بعد سیلجا نے دعویٰ کیا کہ سب کچھ نارمل ہے۔لوک سبھا میں اپوزیشن لیڈر راہل گاندھی جمعرات کو ہریانہ کا دورہ کر رہے ہیں۔