تاثیر 26 اکتوبر ۲۰۲۴:- ایس -ایم- حسن
ممبئ،26 اکتوبر:ناظرین اداکار ریتک روشن اور جونیئر این ٹی آر کی فلم وار-2 کا بے صبری سے انتظار کر رہے ہیں۔ فلم ‘وار’ کی کامیابی کے بعد یش راج اسپائی یونیورس کی فلم ’وار-2‘ جلد ہی پردے پر آنے والی ہے۔ بالی ووڈ کے ہینڈسم ہنک ریتک روشن ایک بار پھر کبیر کے کردار میں نظر آئیں گے۔ 2019 میں ریلیز ہونے والی فلم ‘ وار’ باکس آفس پر سب سے زیادہ کمائی کرنے والی فلم بن گئی۔ فلم کے پہلے پارٹ میں ریتک روشن، ٹائیگر شراف، وانی کپور، انوپریہ گوئنکا جیسے اداکاروں کی فوج نظر آئی۔ اس دوران فلم وار کے سیکوئل میں ایک نیا موڑ آیا ہے۔ فلم میں ریتک کے ساتھ ساؤتھ کے سپر اسٹار جونیئر این ٹی آر بھی نظر آئیں گے۔ ایسے میں ممبئی میں ’وار-2‘ کے سیٹ سے جونیئر این ٹی آر کی کچھ تصویریں منظر عام پر آئی ہیں۔