تاثیر 27 اکتوبر ۲۰۲۴:- ایس -ایم- حسن
رائے پور، 27 اکتوبر: دارالحکومت کے دیویندر نگر علاقے میں ہفتہ کی رات ایک عمارت میں لگنے والی آگ میں ایک تاجر اور بی جے پی لیڈر کے بھائی سمیت دو لوگوں کی موت ہو گئی۔ مرنے والوں کی شناخت مشرت خان (26 سال) اور عارف منظور خان (48 سال) کے طور پر ہوئی ہے۔ اطلاع ملتے ہی فائر بریگیڈ کے عملے نے پہنچ کر اندر پھنسے لوگوں کو باہر نکالا۔ عارف منظور خان بی جے پی لیڈر کے بھائی بتائے جاتے ہیں۔ مشرت خان ان کی ساتھی بتائی جاتی ہے۔حادثے میں جان کی بازی ہارنے والے عارف منظور خان ایونٹ کے منتظم تھے۔ عارف کے بڑے بھائی مخمور خان چھتیس گڑھ بی جے پی اقلیتی مورچہ کے ریاستی جنرل سکریٹری ہیں۔