تاثیر 06 نومبر ۲۰۲۴:- ایس -ایم- حسن
ہردوئی، 6 نومبر: بدھ کو اتر پردیش کے ہردوئی ضلع کے گاؤں روشن پور کے قریب ڈی سی ایم اور آٹو کے درمیان تصادم میں 10 افراد کی موت ہو گئی اور پانچ زخمی ہو گئے۔ اپنی جانیں گنوانے والوں میں 5 خواتین، 2 لڑکیاں، 1 بچہ اور 2 مرد شامل ہیں۔ وزیر اعلیٰ یوگی آدتیہ ناتھ نے سڑک حادثے میں جان گنوانے والوں کے غمزدہ خاندانوں کے تئیں گہری تعزیت کا اظہار کیا ہے۔ اس کے علاوہ زخمیوں کے مناسب علاج کے لیے متعلقہ حکام کو ہدایات دی گئی ہیں۔ اس کے ساتھ ہی انہوں نے زخمیوں کی جلد صحت یابی کی بھی خواہش کی۔ پولیس سپرنٹنڈنٹ نیرج کمار جدون نے کہا کہ روشن پور گاؤں کے قریب سامنے سے آنے والی ڈی سی ایم ایک آٹو سے ٹکرا گئی۔ اس حادثے میں آٹو بے قابو ہو کر الٹ گیا، اس میں سوار سات مسافروں کی موقع پر ہی موت ہو گئی، جب کہ آٹھ لوگ شدید زخمی ہو گئے، کچھ دیر بعد بلگرام میں واقع کمیونٹی ہیلتھ سنٹر میں تین زخمیوں کی موت ہو گئی۔