تاثیر 14 نومبر ۲۰۲۴:- ایس -ایم- حسن
بہار شریف 14نومبر:(محمد دانش)یوم اطفال کے موقع پر شہر کا مشہور و معروف تعلیمی ادارہ روز میری لینڈ اسکول میں فینسی ڈریس کمپٹیشن کے ساتھ ساتھ مختلف قسم کے پروگرام منعقد کئے گئے۔ جہاں اسکولی بچوں میں خوشی کا ماحول پایا گیا۔ اسکولی بچے مختلف قسم کے ڈریس میں نظر آئے۔ وہیں اسکول کی جانب سے بچوں کی حوصلہ افزائی کی گئی۔ مذکورہ باتوں کی اطلاع دیتے ہوئے روز میری لینڈ اسکول کے ڈائریکٹر جناب ایم اے رضوی نے کہا کہ ہمارے اسکول میں تعلیم کے ساتھ ساتھ بچوں کو مختلف حلقوں کے طرف بھی رجوع کیا جاتا ہے۔ تاکہ ہمارے بچے ہر میدان میں اپنی کامیابی کا پرچم بلند کر سکیں۔ وہیں اس موقع پر اسکول کی پرنسپل ناظرہ پیکر،وائس پرنسپل راحت رضوی سمیت اسکول کے تمام اساتذہ کرام اسکولی پروگرام میں پیش پیش رہے۔