تاثیر 9 دسمبر ۲۰۲۴:- ایس -ایم- حسن
سہسرام ( انجم ایڈوکیٹ ) آج مورخہ 9 دسمبر 2024 کو ابھینو کلا سنگم کے ممبران نے ڈی ایم روہتاس محترمہ ادیتا سنگھ سے ان کے دفتر میں ملاقات کر مورخہ 26 دسمبر سے 30 دسمبر تک ڈہری آن سون میں منعقد ہونے والے ثقافتی سرگرمیوں پر ہونے والے ناٹک پروگرام متعلق تبادلہ خیال کیا، صدر کملیش کمار نے ڈی ایم محترمہ ادیتا سنگھ کو بتایا کہ 31 سال سے ابھینو کلا سنگم ڈہری آن سون میں تمام ثقافتی سرگرمیوں کا اہتمام کر رہا ہے ۔ آل انڈیا ڈرامہ مقابلہ منعقد کیا جا رہا ہے، جسمیں ملک کی تقریباً 11 ریاستوں سے ڈرامہ مقابلے کی ٹیمیں یہاں آتی ہیں جو ڈرامہ، رقص، موسیقی، اسٹریٹ ڈرامہ اور دیگر پروگرام پیش کرتی ہیں جسمیں قومی سطح کے تھیٹر اور ثقافتی فنکار آتے ہیں ۔ مذکورہ پانچ روزہ پروگرام کے دوران ملک کے تقریباً 400 فنکار جھنجھن والا واٹیکا میں جمع ہونگے ۔ مورخہ 30 دسمبر کو ڈہری شہر میں ملک کی مختلف ریاستوں سے تھیٹر ٹیموں کے ذریعہ ایک عظیم الشان رنگ شوبھا یاترا بھی نکالی جائیگی ۔ ملاقات درمیان ڈی ایم نے ڈہری کے انچارج ایس ڈی ایم سے کہا کہ وہ ابھینو کلا سنگم کے اراکین کے ساتھ ایک مشترکہ میٹنگ کریں اور سب ڈویژنل پولس انتظامیہ کی طرف سے تنظیم کو ہر ممکن تعاون کے ساتھ انتظامیہ اس پانچ روزہ ڈرامہ مقابلے کے پروگرام میں جسمانی مدد بھی کرے ۔ ڈی ایم نے کہا کہ میں بھی اس قومی سطح کے پروگرام میں شرکت کرونگی اور ملک کے کونے کونے سے آنے والے فنکاروں کو ہر طرح کی سہولیات فراہم کی جائینگی ۔ آج ڈی ایم سے ملاقات کے۔ دوران تنظیم عکس نے ڈی ایم کو شرکت کیلئے دعوت نامہ بھی دیا ۔ اس موقع پر تنظیم کے سکریٹری ونئے مشرا، ڈائریکٹر کوشلندر کشواہا، خزانچی شیو جی گپتا وغیرہم موجود تھے ۔