شہید نیرج چھیتری میموریل فٹبال ٹورنامنٹ کا افتتاح

تاثیر  17  دسمبر ۲۰۲۴:- ایس -ایم- حسن

فٹبال میچ سے قبل ٹورنامنٹ کا افتتاح راجیش ٹیکو، ڈپٹی انسپکٹر جنرل، پورنیہ نے شمع روشن کرکےکیا۔ 

ارریہ:- ( مشتاق احمد صدیقی )  ایس ایس بی 56ویں بٹالین بتھناہا کے زیر اہتمام تین روزہ “شہید نیرج چھتری فٹ بال” ٹورنامنٹ کا افتتاح راجیش ٹیکو، ڈپٹی انسپکٹر جنرل، پورنیہ نے کوسی کالونی بتھناہا کے اسپورٹس گراؤنڈ میں کیا۔  پروگرام کے آغاز میں راجیش ٹِکو نے شمع روشن کی اور شہید نیرج چھتری کی تصویر پر گل پوشی کی گئی۔  اس موقع پر 56 ویں بٹالین سشسٹرا سیما بال بتھناہا کے کمانڈنٹ سریندر وکرم نے مہمان خصوصی مسٹر ٹیکو کا تہہ دل سے خوش آمدید کہتے ہوئے ان کا اور دیگر مہمانانِ گرامی کا شاندار استقبال کیا اور دل کے نہاں خانے سے شکریہ ادا کیا. اس موقع پر شری بکرم نے کہا کہ آج ہم سب آزاد، خود مختار اور متحدہ ہندوستان میں ایک ترنگے کے نیچے رہ رہے ہیں، وہ ترنگا ہمارے پورے ملک کی عظیم آزادی پسندوں، بہادر انقلابیوں اور بہادر خواتین کی انمول قربانی کی علامت ہے۔  اپنے ملک کی سالمیت اور وقار کو برقرار رکھنے کے لیے ہمارے سپاہی ملک کی خدمت کرتے ہوئے جام شہادت نوش کر رہے ہیں۔  ان شہیدوں میں سے ایک لافانی شہید سشستر سیما بال، نیرج چھتری ہیں، جن کی یاد میں یہ فٹ بال ٹورنامنٹ منعقد کیا جا رہا ہے۔  سشستر سیما بال کا بنیادی مقصد خدمت، سلامتی اور بھائی چارے کے جذبے کے تحت 56 ویں بٹالین بتھناہا کی جانب سے اس ٹورنامنٹ کا انعقاد ہوا، اس ٹورنامنٹ کے انعقاد کا بنیادی مقصد باہمی ہم آہنگی اور باہمی تعاون کے جذبے سے ملک کی خدمت کرنا ہے۔ اتحاد اور یکجہتی، ایک شہری کے طور پر اپنے فرائض کو پورا کرنے کے لیے قوم کی حفاظت کے لیے اپنا گراں قدر حصہ ڈالنے کا جذبہ بیدار کرنا۔  اس کے بعد انہوں نے شہید نیرج چھتری کی زندگی کے بارے میں بتایا۔  میناکشی کماری، ایگزیکٹو آفیسر، میونسپل کونسل، جوگبنی، سنجے کمار صدر جاگرن کلیان بھارتی، پنکج کشور منڈل، وارڈ کونسلر، ورون مشرا، سماجی کارکن، راجیش گپتا، وپل مشرا، اجے جھا، سچن کمار، وکرم کمار اور دیگر موجود تھے۔نے شرکت کی۔