تاثیر 10 جنوری ۲۰۲۵:- ایس -ایم- حسن
ممبئی،10 جنوری:اداکارہ رشمیکا مندانا حال ہی میں جم میں انجری کا شکار ہوئیں جس کی وجہ سے ان کے بہت سے منتظر پروجیکٹ کی شوٹنگ کو فی الحال روکنا پڑا۔ ڈاکٹروں نے رشمیکا کو مکمل طور پر صحت یاب ہونے کے لیے کچھ آرام کرنے کا مشورہ دیا ہے۔ اس کے بعد ہی وہ اپنے مصروف شیڈول میں واپس آسکتی ہیں۔ رشمیکا کی چوٹ نے ان کے مداحوں میں تشویش پیدا کردی ہے، لیکن تازہ ترین اپ ڈیٹس بتاتے ہیں کہ وہ صحت یاب ہونے کے راستے پر ہیں اور جلد ہی کام پر واپس آئیں گی۔
رشمیکا مندانا کے قریبی ذرائع نے بتایا کہ “رشمیکا کو حال ہی میں جم میں انجری ہوئی تھی اور وہ آرام کر رہی ہیں اور صحت یاب ہو رہی ہیں۔ تاہم اس کی وجہ سے ان کے آنے والے پروجیکٹس کی شوٹنگ کچھ وقت کے لیے روک دی گئی ہے۔ اب وہ “بہت بہتر محسوس کر رہی ہیں۔ اس سے پہلے اور جلد ہی سیٹ پر واپس آؤں گی۔