تاثیر 11 جنوری ۲۰۲۵:- ایس -ایم- حسن
سہسرام ( انجم ایڈوکیٹ ) آج مورخہ 11 جنوری 2025 کو بیٹی بچاؤ بیٹی پڑھاؤ اسکیم کے تحت ضلع کلکٹر مسز ادیتا سنگھ نے +2 ہائی اسکول چوکھنڈی سہسرام کی طالبات کے ساتھ اپنے کلکٹریٹ روہتاس دفتر میں ایک مکالمہ پروگرام کا انعقاد کیا، جس سے قبل تمام طالبات کو ضلع پروگرام آفیسر آئی سی ڈی ایس کے ذریعہ کلکٹریٹ میں واقع تمام کلکٹریٹس کا دورہ کیا گیا، ضلع کلکٹر نے طالبات سے انکے مسائل کے بارے میں جانکاری لی، طالبات سے سوالات کئے کہ خواتین کی حفاظت کیلئے انتظامیہ کی جانب سے کیا سہولیات فراہم کی جا رہی ہیں اس حوالے سے مکالمہ پروگرام میں موجود پولس سپرنٹنڈنٹ روشن کمار نے خواتین کو قانونی امداد کے بارے میں تفصیلی معلومات دیں، ضلع کلکٹر نے پولس کی مدد کیلئے ویمن اینڈ چائلڈ ڈیولپمنٹ کارپوریشن کے ذریعے چلائے جانے والے ایمرجنسی نمبر 112 اور خواتین کی ہیلپ لائن نمبر 181 کو ہمیشہ یاد رکھنے کا مشورہ دیا اور ضرورت پڑنے پر ان نمبروں کو استعمال کرنے کا بھی مشورہ دیا، ضلع کلکٹر نے کہا کہ موجودہ دور میں لڑکیاں اچھی کارکردگی کا مظاہرہ کر رہی ہیں اس لئے آپ سب کو چاہئے کہ اپنے خوابوں کو پورا کرنے کیلئے محنت، عزم، شائستگی اور گرنے کے بعد اٹھنے کی ہمت کے ساتھ کوشش کریں تب ہی آپ زندگی میں کامیاب ہونگی ۔ اخیر میں ضلع کلکٹر نے تمام طالبات کو انکے روشن مستقبل کیلئے نیک خواہشات دیں ۔ اس موقع پر پولس سپرنٹنڈنٹ روہتاس روشن کمار، سب ڈویژنل آفیسر ڈہری اور بکرم گنج، ڈسٹرکٹ ایجوکیشن آفیسر روہتاس، ویمن اینڈ چائلڈ ڈیولپمنٹ کارپوریشن روہتاس کی نوڈل آفیسر سہسرام مسز رینا سریواستو اور ڈسٹرکٹ پروجیکٹ منیجر روی پرکاش سنگھ موجود تھے ۔