تاثیر 15 جولائی ۲۰۲۵:- ایس -ایم- حسن
ممبئی، 15 جولائ: راجکمار راؤ کی فلم مالک’ کو ریلیز کے بعد ناظرین اور ناقدین کی جانب سے ملا جلا ردعمل ملا۔ تاہم، فلم باکس آفس پر توقعات پر پورا نہیں اتر سکی۔ 11 جولائی کو سینما گھروں میں ریلیز ہونے والی اس فلم نے پہلے تین دنوں میں اوسط کلیکشن ریکارڈ کیا تھا لیکن اب ہفتے کے دنوں کے آغاز کے ساتھ ہی ‘ مالک’ کے کلیکشن میں زبردست کمی دیکھی گئی ہے۔
باکس آفس ٹریکر ساکنلک کے اعداد و شمار کے مطابق، ‘مالک’ نے ریلیز کے چوتھے دن یعنی پہلے پیر کو 1.65 کروڑ روپے کمائے۔ اس اعداد و شمار کے ساتھ، فلم کا کل باکس آفس مجموعہ اب 15.90 کروڑ روپے تک پہنچ گیا ہے. فلم نے اپنے پہلے دن اوسطاً 3.75 کروڑ روپے کی اوپننگ کی تھی، جب کہ دوسرے اور تیسرے دن اس کی کمائی 5.25 کروڑ روپے تھی۔ تاہم ویک اینڈ کے بعد پیر کو فلم کی رفتار کچھ کم ہوگئی۔ اب دیکھنا یہ ہے کہ ‘مالک’ آنے والے دنوں میں باکس آفس پر اپنی گرفت برقرار رکھنے میں کامیاب ہوتی ہے یا نہیں۔