تاثیر 18 جولائی ۲۰۲۵:- ایس -ایم- حسن
دہرادون، 18 جولائی: 19,500 فٹ کی بلندی پر واقع پہاڑ کیلاش مان سروور یاترا کے پہلے گروپ نے آج بھگوان شیو کے درشن کیے ۔ کیلاش کی پہلی جھلک سے عقیدت مندوں کی آنکھوں میں آنسو آگئے اور انہوں نے ‘ہر ہر مہادیو’ کا نعرہ لگانا شروع کردیا۔ اس گروپ میں ملک کی 11 ریاستوں کے کل 49 عقیدت مند شامل ہیں۔
یہ یاترادہلی سے شروع ہوئی، جو پتھورا گڑھ، گنجی اور لیپولیکھ سے ہوتے ہوئے چین میں تکلا کوٹ پہنچی۔ درشن کے بعد یاتری آج ہندوستان واپس لوٹیں گے اور اپنے سفر کی تصاویر بھی شیئر کیں۔ مسافر نریندر نے کہا کہ سفر مشکل ہونے کے باوجود ہر قدم پر بھگوان شیو کی طرف بڑھنا ایک خوشگوار تجربہ تھا۔ ان کا کہنا تھا کہ دولما پاس کی چڑھائی بہت مشکل تھی، بہت سے لوگوں کو تھکاوٹ اور آکسیجن کی کمی محسوس ہوئی، لیکن لگن اور آستھا نے انہیں ہمت دی۔