تاثیر 22 جولائی ۲۰۲۵:- ایس -ایم- حسن
رانچی، 22 جولائی : ریاستی آر جے ڈی نے کہا ہے کہ آزاد ہندوستان میں پہلی بار جگدیپ دھنکھڑ نے نائب صدر کے عہدے سے استعفیٰ دیا ہے جو کہ انتہائی افسوس اور تشویش کی بات ہے۔پارٹی کے ریاستی جنرل سکریٹری کیلاش یادو نے منگل کو ایک پریس ریلیز میں کہا کہ 2014 سے مودی حکومت کے دور میں بی جے پی لیڈر ملک کے جمہوری اور آئینی نظام کی کھلم کھلا توہین کر رہے ہیں۔ مقننہ، عدلیہ، ایگزیکٹو اور صحافت کی حالت بدستور تشویشناک ہے۔
انہوں نے کہا کہ نائب صدر جگدیپ دھنکھڑ نے عہدے سے استعفیٰ نہیں دیا، بلکہ انہیں استعفیٰ دینے پر مجبور کیا گیا۔
نائب صدر دن بھر پر سکون نظر آئے اور راجیہ سبھا کی کرسی سے ایوان کو چلاتے نظر آئے۔ لیکن شام کو کیا ہوا کہ انہوں نے خرابی صحت کا حوالہ دے کر استعفیٰ دے دیا۔ اس سے پورا ملک حیران ہے۔