تاثیر 30 جولائی ۲۰۲۵:- ایس -ایم- حسن
نئی دہلی، 30 جولائی: دہلی کی وزیر اعلیٰ ریکھا گپتا نے بدھ کو بھارت منڈپم میں منعقدہ گلوبل آؤٹ ریچ سمٹ 2025 میں شرکت کی اور ملک اور دنیا کے برانڈنگ اور سپلائی چین کے ماہرین سے خطاب کیا۔ انہوں نے کہا کہ وزیر اعظم نریندر مودی کی قیادت میں ہندوستان آج خود انحصاری، اختراع اور عالمی تعاون کی علامت بن گیا ہے۔ ہندوستانی برانڈز اب نہ صرف عالمی مارکیٹ میں مقابلہ کر رہے ہیں، بلکہ اپنی منفرد شناخت بھی بنا رہے ہیں۔
وزیراعلیٰ نے کہا کہ ہماری نئی نسل کو ہندوستانی برانڈز کو فخر اور اعتماد کے ساتھ اپنانا چاہئے۔ ‘میڈ ان انڈیا’ صرف ایک ٹیگ نہیں ہے، بلکہ ہماری ثقافت، دستکاری اور خود انحصاری کی علامت ہے۔ اسی سوچ کو آگے بڑھاتے ہوئے، دہلی حکومت 7 اگست کو ‘ہینڈلوم ڈے’ منانے جارہی ہے، تاکہ ہندوستان کی روایتی ہینڈلوم مصنوعات کو بین الاقوامی سطح پر ایک نئی اڑان مل سکے۔ انہوں نے کہا کہ دہلی میں خواتین کو رات کی شفٹوں میں کام کرنے کی آزادی اور محفوظ ماحول دینے کے لیے ٹھوس اقدامات کیے گئے ہیں۔