کٹاسا میں پانچ دکانوں کا تالا توڑ کر چوری پولیس تفتیش میں مصروف

سنگھواڑہ دربھنگہ (محمد مصطفی)منگل کی دیر رات سنگھوارہ تھانہ حلقہ کے کٹاسا چوک پر واقع نصف درجن دکانوں میں چوری کی واردات سے ایک بار پھر دکانداروں میں خوف کا ماحول قائم ہوگیا ہے سونے، چاندی سمیت دیگر پانچ دکانوں  میں چوری کی واردات ہوئی۔ پولس نے واقعے کی تفتیش شروع کردی ہے۔ نامعلوم ملزمان نے کٹاسا مارکیٹ میں پہلے لوہے کی دکان کے تالے توڑ کر دو ہینڈ بلینڈر مشینیں چوری کر لی ۔ وہیں بھروارہ کے رہنے والے سنتوش ٹھاکر کی سونے اور چاندی کی دکان کا مین گیٹ توڑ کر اندر کی گرل کے دو تالے مشین سے کاٹے گئے۔ پولی تھین سے باہر نصب سی سی ٹی وی کیمرے کو ڈھانپ کر یہ واردات انجام دی گئی۔ اس دوران بدمعاش جیولری شاپ سے چوری کرنے میں ناکام رہا۔ اس نے رام ورچھ ساہ کی کرانا دکان  کا گیٹ بھی توڑا اور شٹر کا تالا توڑنے میں ناکام رہا۔ اس نے رامبلی ساہ کی دکان کے شیشے توڑ کر دکان میں گھس کر کیش باکس کو نقصان پہنچایا اور پرچون کی رقم اور گٹکا، سگریٹ اور دیگر اشیاء چوری کر لی۔ واقعہ کی اطلاع ملتے ہی صدر کے ایس ڈی پی او 2 شوبھیندر کمار سمن، انسپکٹر سریش رام اور تکنیکی ٹیم موقع پر پہنچی اور واقعہ کے بارے میں دریافت کیا۔ مقامی دکانداروں نے ڈی ایس پی کو بتایا کہ کٹاسا چوک میں چوری کی وارداتیں مسلسل ہو رہی ہیں۔ چور کئی بار پکڑا جا چکا ہے۔ پولس کو رات کی گشت بڑھانے کے لئے کہا گیا ہے۔ واقعہ کی اطلاع ملتے ہی گولڈ اسمتھ ایسوسی ایشن کے صدر پپو ٹھاکر موقع پر پہنچے اور کہا کہ سونا تاجروں کے ساتھ مجرمانہ واقعات میں مسلسل اضافہ ہورہا ہے۔ انہوں نے پولس سے واقعہ میں ملوث چوروں کو جلد گرفتار کرنے کا مطالبہ کیا ہے۔