تاثیر 16 اگست ۲۰۲۵:- ایس -ایم- حسن
ہگلی، 16 اگست:بین الاقوامی شہرت یافتہ اور ارجن ایوارڈ یافتہ ہندوستانی تیراک بولا چودھری کا پدم شری ایوارڈ جمعہ کو مغربی بنگال کے ہگلی ضلع میں ہند موٹر میں واقع ان کے آبائی گھر سے چوری ہو گیا۔ بولا چودھری اس وقت جنوبی کولکاتا کے قصبہ میں رہتی ہیں لیکن تیراکی کے کیریئر کے دوران حاصل کیے گئے تمام ایوارڈز، ٹرافیاں اور تمغے ان کے آبائی گھر ہند موٹر میں نمائش کے لیے رکھے گئے تھے۔
وہ ہر ہفتے اپنے آبائی گھر جایا کرتی تھیں تاکہ یہ معلوم کر سکیں کہ آیا ان کے ایوارڈز، ٹرافیاں اور تمغے صحیح سلامت ہیں یا نہیں۔ جمعہ کو پتہ چلا کہ ان کی پدم شری ایوارڈ کی شیلڈ اس جگہ سے غائب تھی جہاں اسے رکھا گیا تھا۔ بعد میں پتہ چلا کہ ان کے کچھ اور ایوارڈز، ٹرافیاں اور میڈلز بھی چوری ہو گئے تھے۔