تاثیر 21 اگست ۲۰۲۵:- ایس -ایم- حسن
کشن گنج،21اگست:صاف اور بدعنوانی سے پاک سیاست کی بات کرنے والی جن سوراج پارٹی کیسرپرست پرشانت کشور کشن گنج کے بیلوا میں ایک جلسہ عام سے خطاب کرتے ہوئے نازیبا الفاظ کا استعمال کیا۔ انہوں نے بہار بی جے پی کے ریاستی صدر ڈاکٹر دلیپ کمار جیسوال کو اسٹیج سے کھلے عام دھمکی دی۔
اجتماع سے خطاب کرتے ہوئے پرشانت کشور نے کہا کہ کشن گنج میں میڈیکل کالج پر قبضہ کرنے والے کو بخشا نہیں جائے گا۔ انہوں نے کہا کہ اپنے کو باہوبلی سمجھتے ہیں۔ پٹنہ سے کھڈیرے ہیں توکشن گنج بھاگ گئے ہیں۔ پرشانت کشور نے سیاسی ضابطے کی خلاف ورزی کرتے ہوئے کہا کہ تین مہینے انتظار کریں ، دوڑا دوڑا کر مارا جائے گا۔
صحافیوں سے خطاب کرتے ہوئے پرشانت کشور نے دعویٰ کیا کہ 7 دنوں کے اندر بی جے پی کے ریاستی سطح کے ایک بڑے لیڈر کے کالے کرتوتوں کا پردہ فاش ہو جائے گا۔ دراصل صدر بلاک کے بیلوا میں ایک جلسہ عام سے خطاب کے بعد پریس کانفرنس کے دوران پرشانت کشور نے میڈیا سے کہا کہ وہ پہلے ہی بی جے پی کے کئی لیڈروں کی بلیک بک کو بے نقاب کر چکے ہیں، اب وہ 7 دن کے اندر بی جے پی کے ایک بڑے لیڈر کی بلیک بک کو بے نقاب کریں گے۔
تاہم جب پرشانت کشور سے مذکورہ بی جے پی لیڈر کا نام پوچھا گیا تو انہوں نے کہا کہ 7 دن انتظار کریں۔ پھر وہ نام کے ساتھ سیاہ کتاب بھی ظاہر کریں گے۔ انہوں نے کہا کہ اب تک وہ بی جے پی کے کئی بڑے لیڈروں کو بے نقاب کر چکے ہیں، لیکن اب یہ لیڈر ان سے بڑا ہے۔پی کے نے بی جے پی کے ریاستی صدر دلیپ جیسوال پر مسلسل سنگین الزامات لگائے ہیں۔ انہوں نے اس سے قبل ایک اقلیتی کالج پر ناجائز قبضہ کرنے کا بھی الزام لگایا تھا۔ حالانکہ بی جے پی نے ان الزامات کو بے بنیاد قرار دیا تھا۔
پرشانت کشور نے دلیپ جیسوال کے ساتھ بہار کے وزیر صحت منگل پانڈے پر بھی الزام لگایا تھا۔ انہوں نے کہا تھا کہ منگل پانڈے نے وزیر صحت رہتے ہوئے اپنی بیوی کے نام پر دہلی کے دوارکا میں 86 لاکھ کا فلیٹ خریدا تھا۔ پی کے نے الزام لگایا تھا کہ منگل پانڈے کے والد نے اپنی بہو کے اکاو?نٹ میں 30 لاکھ بھیجے تھے۔ اس سے پہلے 2019 میں بی جے پی کے ریاستی صدر دلیپ جیسوال نے منگل پانڈے کے والد کو اپنے اکاو?نٹ سے 25 لاکھ روپے بھیجے تھے۔