تاثیر 27 اگست ۲۰۲۵:- ایس -ایم- حسن
نوئیڈا، 27 اگست: نوئیڈا میٹرو ریل کارپوریشن این ایم آر سی نے گریٹر نوئیڈا ڈپو سے بوڑاکی اور سیکٹر 142 سے بوٹینیکل گارڈن میٹرو اسٹیشن تک تعمیر کی تیاریاں شروع کر دی ہیں ۔ ڈپو سے بوڑاکی تک کے پروجیکٹ کو مرکزی حکومت نے منظوری دے دی ہے۔ ان دونوں منصوبوں کے بجٹ کا تخمینہ لگایا گیا ہے۔
منگل کو سیکٹر 29 میں این ایم آر سی کے دفتر میں منعقدہ بورڈ میٹنگ میں اسٹیٹس رپورٹ پیش کی گئی۔ بجٹ اور آڈٹ رپورٹس بھی بورڈ کو پیش کی گئیں۔ یہ بھی بتایا گیا کہ اتھارٹی کی جانب سے 14 کروڑ روپے ادا کیے گئے ہیں۔ بورڈ نے سیکٹر 142 میٹرو اسٹیشن کے نام کے ساتھ کو-برانڈنگ کے لیے مائیکروسافٹ کے ساتھ معاہدہ کرنے کی منظوری لے لی ہے۔