تاثیر 30 اگست ۲۰۲۵:- ایس -ایم- حسن
نئی دہلی، 30 اگست: مرکزی حکومت نے گاڑیوں کے لیے ٹول بوتھوں سے بغیر رکے یا رفتار کم کیے گزرنا آسان بنا دیا ہے۔ نیشنل ہائی ویز اتھارٹی آف انڈیا (این ایچ اے آئی) کی کمپنی انڈین ہائی وے مینجمنٹ کمپنی لمیٹیڈ (آئی ایچ ایم سی ایل) نے گجرات کے چوریاسی ٹول پلازہ اور ہریانہ کے گھرونڈا ٹول پلازہ پر ملک کا پہلا ملٹی لین فری فلو (ایم ایل ایف ایف) سسٹم شروع کرنے کے لیے آئی سی آئی سی آئی بینک کے ساتھ ایک معاہدے پر دستخط کیے ہیں۔ روڈ ٹرانسپورٹ اور ہائی ویز کی وزارت کے مطابق، ملک کے پہلے جامع ملٹی لین فری فلو ٹولنگ سسٹم کو نافذ کرنے کے لیے نئی دہلی میں این ایچ اے آئی ہیڈکوارٹر میں این ایچ اے آئی کے چیئرمین سنتوش کمار یادو، آئی ایچ ایم سی ایل اورآئی سی آئی سی آئی بینک کے حکام کی موجودگی میں معاہدے پر دستخط کیے گئے۔