تاثیر 1 ستمبر ۲۰۲۵:- ایس -ایم- حسن
نئی دہلی، یکم ستمبر:کانگریس نے وزیر اعظم نریندر مودی کو اپنے دورہ چین کے دوران آپریشن سندور پر خاموشی اختیار کرنے اور امریکی ٹیرف کی وجہ سے مالی سال کی دوسری سہ ماہی میں ہونے والے نقصانات پر خبردار کیا ہے۔ کانگریس کے جنرل سکریٹری جے رام رمیش نے پیر کو سوشل میڈیا پلیٹ فارم ایکس پر الگ الگ پوسٹس کے ذریعے مرکزی حکومت سے کئی سوالات پوچھے۔ انہوں نے چین کے ساتھ حالیہ بات چیت پر پی ایم مودی کے موقف کو “ڈریگن کے سامنے ہاتھی کے جھکنے” کے مترادف قرار دیا۔ رمیش نے کہا کہ ہندوستان برسوں سے چین پر دہشت گردی کے معاملے پر دوہرا معیار اپنانے کا الزام لگاتا رہا ہے، لیکن اب پی ایم خود کہہ رہے ہیں کہ ہندوستان اور چین دونوں دہشت گردی کا شکار ہیں۔ کیا یہ بیان بھارت کی اپنی پہلے کی سخت سفارتی لائن سے پیچھے ہٹنے کی علامت نہیں؟