تاثیر 9 ستمبر ۲۰۲۵:- ایس -ایم- حسن
لکھنؤ، 9 ستمبر: اترپردیش کی ڈاکٹر اے پی جے عبدالکلام ٹیکنیکل یونیورسٹی (اے کے ٹی یو) کے کانووکیشن تقریب میں گروپ کیپٹن خلاباز شوبھانشو شکلا کو اعزازی ڈگری دی گئی۔ انہیں یہ ڈگری یوپی کی گورنر آنندی بین پٹیل نے یونیورسٹی کی جانب سے دی۔ اس موقع پر ریاست کے تکنیکی تعلیم کے وزیر آشیش پٹیل کے علاوہ یونیورسٹی کے وائس چانسلر، اساتذہ اور طلباء موجود تھے۔
قابل ذکر ہے کہ شوبھانشو شکلا لکھنؤ کے رہنے والے ہیں۔ ابتدائی تعلیم یہاں سے کی۔ Axiom-4 مشن مکمل کرنے کے بعد خلا سے واپس آنے کے بعد، شوبھانشو کا لکھنؤ پہنچنے پر شاندار استقبال کیا گیا۔ حکومت سے لے کر عام لوگوں تک سب نے ان کا خیر مقدم کیا۔ اب یونیورسٹی نے انہیں اعزازی ڈگری دے کر عزت بخشی ہے۔