تاثیر 10 ستمبر ۲۰۲۵:- ایس -ایم- حسن
ہانگ کانگ، 10 ستمبر:ہانگ کانگ اوپن سپر 500 بیڈمنٹن ٹورنامنٹ میں ہندوستان کی دو بار کی اولمپک میڈلسٹ پی وی سندھو کا سفر بدھ کو ختم ہوگیا۔ سندھو کو غیر سیڈڈ ڈنمارک کی کھلاڑی لائن کرسٹوفرسن کے ساتھ تین گیمز کے سخت مقابلے میں 15-21، 21-16، 21-19 سے شکست کا سامنا کرنا پڑا۔ تقریباً ایک گھنٹے تک جاری رہنے والے میچ میں کرسٹوفرسن کے خلاف سندھو کی یہ پہلی شکست ہے۔
پہلے گیم میں سندھو نے مضبوط شروعات کی اور برتری حاصل کی اور 21-15 سے کامیابی حاصل کی لیکن دوسرے گیم میں 13-12 کی برتری کے باوجود وہ لگاتار پانچ پوائنٹس سے محروم ہو کر پیچھے ہو گئیں۔ فیصلہ کن کھیل دلچسپ رہا اور اسکور 19-19 تک پہنچا۔ یہاں ڈنمارک کی کھلاڑی نے دباؤ کو سنبھالا اور لگاتار دو پوائنٹس جیت کر سندھو کو ٹورنامنٹ سے باہر کر دیا۔