تاثیر 16 ستمبر ۲۰۲۵:- ایس -ایم- حسن
نئی دہلی، 16 ستمبر: انفورسمنٹ ڈائریکٹوریٹ (ای ڈی) نے سابق کرکٹرز رابن اتھپا اور یوراج سنگھ اور اداکار سونو سود کو ایک مبینہ غیر قانونی آن لائن سٹے بازی ایپ سے منسلک منی لانڈرنگ کیس میں پوچھ گچھ کے لیے طلب کیا ہے۔
مرکزی تحقیقاتی ایجنسی نے آن لائن بیٹنگ ایپ x1بیٹ سے متعلق ایک معاملے میں اگلے ہفتے کے دوران رابن اتھپا کو 22 ستمبر، یووراج سنگھ کو 23 ستمبر، جبکہ سونو سود کو اگلے دن 24 ستمبر کو منی لانڈرنگ کی روک تھام ایکٹ 2002 (پی ایم ایل اے) کے تحت پوچھ گچھ کے لیے طلب کیا ہے۔ سابق کرکٹرز سریش رینا اور شیکھر دھون سے گزشتہ چند ہفتوں میں ای ڈی نے اس معاملے کی تحقیقات کے ایک حصے کے طور پر پوچھ گچھ کی ہے۔ اس معاملے میں پیر کو ٹی ایم سی کی سابق ایم پی اور اداکارہ ممی چکرورتی کا بیان بھی ریکارڈ کیا گیا۔
اس کے علاوہ بنگالی اداکار انکش ہاجرا اس معاملے میں مقرر کردہ سمن پر آج ای ڈی کے سامنے پیش ہوئے، جب کہ x1بیٹکی انڈیا کی برانڈ ایمبیسیڈر اور اداکارہ اروشی روتیلا ابھی تک منگل کو دی گئی تاریخ پر پیش نہیں ہوئیں۔