تاثیر 29 ستمبر ۲۰۲۵:- ایس -ایم- حسن
بھوپال، 29 ستمبر: ورلڈ ہارٹ ڈے ہر سال 29 ستمبر کو دنیا بھر میں منایا جاتا ہے۔ اس دن کو منانے کا مقصد دل کی بیماریوں کے بارے میں شعور اجاگر کرنا ہے۔ اس موقع پر وزیر اعلیٰ ڈاکٹر موہن یادو نے تمام شہریوں پر زور دیا کہ وہ اپنے دل کو صحت مند رکھیں۔وزیر اعلیٰ ڈاکٹر یادو نے سوموار کو سوشل میڈیا کے ذریعے ریاست کے تمام باشندوں پر زور دیا کہ وہ عالمی یوم قلب پر دل کی حفاظت کو ترجیح دینے اور اس کے بارے میں بیداری پیدا کرنے کا عہد کریں۔ وزیراعلیٰ نے کہا کہ دل صحت مند ہوگا تو ہی زندگی خوشیوں اور خاندانی خوشیوں سے بھرے گی! یہ ضروری ہے کہ ہر شخص اپنی صحت کا ہمیشہ خیال رکھے۔