تاثیر 31 اکتوبر ۲۰۲۵:- ایس -ایم- حسن
نئی دہلی، 31 اکتوبر (ہ س)۔ قانونی امور کے محکمے، وزارت قانون و انصاف نے ملک بھر کے دفاتر میں 2 اکتوبر سے 31 اکتوبر تک خصوصی مہم 5.0″ چلائی۔اس دوران فائلوں کی صفائی، ریکارڈ ڈیجیٹائزیشن، ای ویسٹ اور فرسودہ مواد کو ٹھکانے لگانے، اور زیر التوا مقدمات اور عوامی شکایات حل کے گئے۔ اس مدت کے دوران، محکمہ نے 64,000 سے زیادہ فائلوں کا جائزہ لیا، 11,800 مربع فٹ دفتری جگہ کو صاف کیا، اور تقریباً پانچ لاکھ روپے کی آمدنی حاصل کی۔ مرکزی وزیر قانون ارجن رام میگھوال اور سکریٹری قانون ڈاکٹر انجو راٹھی رانا کی نگرانی میں یہ مہم کامیابی سے مکمل ہوئی۔
وزارت کے مطابق، تمام محکموں کے دفاتر نے، سوچھتاہی سیوا کے عہد کو اپناتے ہوئے، انتظامی اصلاحات اور عوامی شکایات کے محکمے (ڈی اے آر پی جی) کے مقرر کردہ 12 پیرامیٹرز پر بہترین کارکردگی کا مظاہرہ کیا۔ مہم کے دوران 64,401 فزیکل فائلوں کا جائزہ لیا گیا جن میں سے 26 کو نیشنل آرکائیوز کو بھیج دیا گیا اور 60,216 کو نمٹا دیا گیا۔ اسی طرح 714 ای فائلوں کا جائزہ لیا گیا اور 311 کو بند کر دیا گیا۔ اس عمل سے دفتر کی اہم جگہ خالی ہوئی اور 491,758 کی آمدنی ہوئی۔